ჩოგბურთი / WTA /
მარიამ ბოლქვაძე ამერიკის ღია პირველობის ძირითად ბადეშია!
08/24/2019 2:07
147

ქართველი ჩოგბურთელი, მარიამ ბოლქვაძე წლის ბოლო გრანდ სლემის, ამერიკის ღია პირველობის ძირითად ბადეში გავიდა.

21 წლის ქართველმა ჩოგბბურთელმა საკვალიფიკაციო ეტაპის ფინალში ჩინელ შინილ ჩუს სამ სეტში მოუგო.

მარიამსა და ჩინელ ჩოგბურთელს შორის მატჩი ორ საათსა და თხუთმეტ წუთს გაგრძელდა, საბოლოოდ კი ქართველმა ანგარიშით 6:4; 4:6; 6:4 იმარჯვა და კარიერაში პირველად, გრანდ სლემის ფინალურ ეტაპზე ითამაშებს.

აღსანიშნავია, რომ ბოლქვაძემ დიდი სლემების ტურნირზე წელს პირველად მიიღო მონაწილეობა. თუმცა უიმბლდონზე მისი გამოჩენა საკვალიფიკაციო ეტაპზე წარმატებული არ გამოდგა. მარიამი უიმბლდონის კვალიფიკაციაში პირველივე წრეში დამარცხდა, თუმცა ამერიკის ღია პირველობაზე მისი საუკეთესო შედეგი აჩვენა.

ახალგაზრდა ქართველი ჩოგბურთელის მეტოქე ძირითადი ბადის პირველ წრეში კი ამერიკელი ბერნარდა პერი იქნება.

შეგახსენებთ, რომ მარიამ ბოლქვაძემ საკვალიფიკაციო ეტაპის პირველ ტურში ბრიტანელ ჰერთელ უოთსონს ორ სეტში, 6:4; 6:2 მოუგო, მეორე წრეში კი კორეელი მეტოქე, ნა-ლე ჰანი სამ სეტში, 2:1 დაამარცხა.

ცნობისთვის, ამერიკის ღია პირველობის ძირითად ბადეში, მეჩვიდმეტე განთესვით იწყებს საქართველოს პირველი ჩოგანი, ნიკოლოზ ბასილაშვილი. ნიკა პირველ წრეში კარგად ნაცნობ მეტოქეს, უნგრელ მარტონ ფუჩოვიჩს დაუპირისპირდება.