ჩოგბურთი / WTA /
ბოლქვაძე მასპინძლით იწყებს!
08/24/2019 19:49
117

საკვალიფიკაციო ეტაპის წარმატებით დაძლევის შემდეგ, მარიამ ბოლქვაძე ამერიკის ღია პირველობის ძირითად ბადეშია. ჩვენებური გახდა მეოთხე ქართველი, ვინც დიდი სლემის ტურნირზე იასპარეზებს. 

ბოლქვაძემ კარიერის საუკეთესო ნიშნულს (201) მიმდინარე წელს მიაღწია. ის ძირითადად საერთაშორისო ტურნირებზე გამოდიოდა და დიდ გათამაშებებში მხოლოდ საკვალიფიკაციო ეტაპზე ერთვებოდა.

ასე იყო წელსაც, როდესაც ნოტინგემისა და ბირმინგების საკვალიფიკაციო ეტაპის პირველი შეხვედრები წააგო. წარმატებას ვერც უიმბლდონზე მიაღწია და პირველივე მატჩი დათმო. საბედნიეროდ, ამერიკის ღია პირველობაზე სამივე ეტაპი წარმატებით გაიარა.

21 წლის ქართველის მეტოქე მსოფლიოს 69-ე ჩოგანი, ამერიკელი ბერნარდა პერა იქნება, რომელმაც მიმდინარე წელს ტრნავას საერთაშორისო ტურნირი მოიგო.  მატჩი 26 აგვისტოსაა დაგეგმილი.