ფეხბურთი / პრემიერლიგა /
ლა ლიგის პრეზიდენტი: "სიტი და პსჟ, ფეხბურთს უდიდეს ზიანს აყენებენ"
08/26/2019 22:35
301

ლა ლიგის ჩემპიონატის პრეზიდენტმა, ხავიერ ტებასმა პარი სენ-ჟერმენი და მანჩესტერ სიტი ფინანსური "ფეარ პლეის" დარღვევაში დაადანაშაულა.

ტებასის აზრით, ისეთი კლუბები, როგორებიც სიტი და პსჟ არიან, ფეხბურთს დიდ ზიანს აყენებენ.

"მანჩესტერ სიტისა და პსჟ-ს მსგავსი კლუბები მსოფლიო ფეხბურთისთვის უდიდეს პრობლემას წარმოადგენენ. მათ უკან დგანან კომპანიები, რომლებსაც შემოსავლები არ ადარდებთ. ბარსელონას, რეალისა და ბაიერნის მსგავსი ტოპ კლუბები ცდილობენ მათ საკუთარი სახსრებით ებრძოლონ და შეინარჩუნონ საუკეთესო ფეხბურთელები. სწორედ ამიტომ სუპერლიგის შექმნის შეთავაზება ჩნდება, რაც საბოლოო ჯამში, ევროპულ ფეხბურთს დიდ საფრთხეს შეუქმნის. 

რა თქმა უნდა, ვფიქრობ, რომ პსჟ-ს ფიქტიურად აფინანსებენ. ვინაიდანაც პარი სენ-ჟერმენი სახელმწიფო გუნდია, სპონსორობა უბრალოდ მოგონილია. იგივე ეხება სიტისაც. სტადიონის დასახელებაში - "ეტიჰადი" გაცილებით უფრო მეტს იხდიან. მათ ჰგონიათ, რომ დანარჩენ ევროპაში სულელები არიან. სწორედ ამიტომ ვებრძვით ამას", - განაცხადა ტებასმა.

#Flashscore