ფეხბურთი / ქართული ფეხბურთი /
კვერკველია: "ჩემი გადაბირება ლესტერს სურდა, მაგრამ ლოკომოტივში მომწონს"
08/29/2019 13:27
120

მოსკოვის ლოკომოტივის მცველმა, სოლომონ კვეკრველიამ championat.com-ს ინტერვიუ მისცა. 

ქართველმა მცველმა მძიმე ტრავმის, ინგლისური კლუბების ინტერესის და ჩემპიონთა ლიგის შესახებ ისაუბრა.

- ძალიან მენატრებიან ჩვენი გულშემატკივრები. მძიმე ტრავმა გადავიტანე, თუმცა ახლა სრული დატვირთვით ვვარჯიშობ და ოპტიმალურ ფორმას ვუახლოვდები. გასულ სეზონში ძალიან ბევრი ვითამაშე, ფაქტობრივად დასვენების გარეშე, რამაც ტრავმის პროვოცირება მოახდინა.

- როდის დაბრუნდებით მოედანზე?

- როსტოვთან შეხვედრაში ამას სავარაუდოდ ვერ მოვახერხებ. თუმცა, ტკივილი აღარ მაწუხებს, სანაკრებო შეკრებაზეც კი მიშვებენ. ვფიქრობ, რომ დაბრუნებას სწორედ სანაკრებო პაუზის შემდეგ შევძლებ. სათამაშო დროის საკითხი კი უკვე მწვთნელის გადასაწყვეტია. იური სიომინს ვესაუბრე და მან ფორმის აღდგენა მისურვა. მითხრა, რომ მელოდება. მთავარი მწვრთნელის და თანაგუნდელების მხარდაჭერა ძალიან მეხმარება. 

- არსებობს ვერსია, რომ ინგლისის პრემიერ ლიგაში ჩაშლილი ტრანსფერის შემდეგ, მოტივაცია დაკარგეთ. 

- არანაირი პრობლემა არ მაქვს. ლოკომოტივში ყოფნა მომწონს. ძალიან მიყვარს ჩვენი მწვრთნელი, რომელმაც ჩემთვის ბევრი რამ გააკეთა. ინგლისში თამაშის სურვილი რომ მქონოდა, აუცილებლად წავიდოდი, რადგან ჩემი გადაბირება ლესტერს სურდა, მაგრამ არაფერს ვნანობ. დავრჩი და მიხარია, რომ ზედიზედ მეორედ ვითამაშებთ ჩემპიონთა ლიგაზე. 

- ხვიჩა კვარაცხელია არ მოგენატრათ?

- რა თქმა უნდა. მასთან მუდმივი კონტაქტი მაქვს და ყოველთვის მეგობრები ვიქნებით. ხვიჩას წარმატებებს ვუსურვებ. მის გადაწყვეტილებაზე საუბარი კი არ მსურს.

- რას ელით ჩემპიონთა ლიგაზე? 

ძალიან მინდა ლივერპულთან შეხვედრა. ეს უმაღლესი დონეა. ენფილდზე რუბინის შემადგენლობაში მითამაშია და ძალიან დიდი სიამოვნება მივიღე.