სხვა / ძიუდო /
ლიპარტელიანი დამარცხდა - თუმცა ბრძოლას ბრინჯაოსთვის გააგრძელებს
08/30/2019 11:12
238

საქართველოს ძიუდოს ნაკრების კაპიტანი ვარლამ ლიპარტელიანი ტოკიოში მიმდინარე მსოფლიო ჩემპიონატის მეოთხედფინალში დამარცხდა და ასპარეზობას რეპეშაჟში გააგრძელებს.

30 წლის ქართველის მეტოქე პორტუგალიელი ჟორჟე ფონსეკა იყო და მასთან იპონით დამარცხდა. საინტერესოა, რომ გდების ეპიზოდი ძალიან საკამათო იყო და ის ქართულმა მხარემ გაასაჩივრა, თუმცა ამან შედეგი არ გამოიღო.

ქართველი ბრძოლას ბრინჯაოს მედლისთვის გააგრძელებს, სადაც მისი მეტოქე ჰოლანდიელი მაიკლ კორელი იქნება.