კალათბურთი / NBA /
კარლ მელოუნის ბნელი მხარე - ლეგენდა პედოფილი აღმოჩნდა
08/30/2019 12:43
224

NBA-ის მოთამაშეებისგან უკანონო საქმეები, ასე ვთქვათ, "უცხო ხილი" აღარაა პუბლიკისთვის. გაუპატიურება, ნარკოტიკები, მანქანის გადაჭარბებული სიჩქარით მართვა და ა.შ.  მაგრამ რასაც ახლა წაიკითხავთ, ეს ჩამოთვლილთაგან არც ერთს არ მიეკუთვნება და მეტიც, შოკისმომგვრელიც კია...

ყველასათვის ცნობილი ლეგენდარული მძიმე ფორვარდი, კარლ მელოუნი, წლების წინ, არც მეტი, არც ნაკლები, პედოფილის სტატუსით მოგვევლინა.

დემეტრიუს ბელი -  ის არის კარლ მელოუნის შვილი და ეს, დიდი ხანია, სავარაუდო ინფორმაცია აღარაა. დემეტრიუსი დაიბადა 1984 წლის 3 მაისს. ამ დროს, დედამისი, გლორია ბელი, იყო მხოლოდ 13 წლის. ხოლო მისი მამა კარლ მელოუნი - 20-ის.

გლორიას ოჯახი უკიდურესად ღარიბი გახლდათ, შესაბამისად, მათ მელოუნისგან ფინანსური მხარდაჭერა ჰაერივით სჭირდებოდათ, განსაკუთრებით, იმ ფონზე, რომ კარლი მილიონებს გამოიმუშავებდა.

საქმე ისაა, რომ ბელების ოჯახს არ მოუთხოვია კოლოსალური კომპენსაცია, ისინი ყოველკვირეული მინიმალური თანხის მოთხოთვნით შემოიფარგლენ - მხოლოდ, 200$ კვირაში. წესით, ეს არანაირი პრობლემა არ უნდა ყოფილიყო ვარსკვლავისთვის, რომელიც წელიწადში 225 000 დოლარს გამოიმუშავებდა, მაგრამ, თქვენ წარმოიდგინეთ, მელოუნს ებევრა წლიურად 10 400$, ამიტომ თანხის შემცირება მოითხოვა. საბოლოოდ, სასამართლომ მას კვირაში 125 დოლარის გადახდა დააკისრა.

ანუ, რა გამოდის? 20 წლის 206სმ სიმაღლის მამაკაცს სექსუალური კავშირი ჰქონდა 13 წლის ბავშვთან?

რაც შეეხება ორსულობის ტესტს,  აჩვენა, რომ, 99%-ით, დემეტირუსი კარლ მელოუნის შვილი იყო.

ერთხელ, შეხვედრისას, The Mailman-მა შვილს უთხრა, რომ ძალიან გვიანი იყო იმისათვის, ისინი მამა-შვილი ყოფილიყვნენ.

დემეტრიუს ბელი, ერთ დროს, NFL-ში ასპარეზობდა, თუმცა, განსაკუთრებული არაფერი შეუთავაზებია პუბლიკისათვის.