საკალათბურთო კლუბ თბილისის ტიტებსა და კომპანია crocobet.com-ს შორის გაფორმდა სასპონსორო ხელშეკრულება. Crocobet.com 2021 წლის სეზონის ბოლომდე ტიტების გენერალური სპონსორი იქნება.

გარდა იმისა, რომ აღნიშნულ პერიოდში გუნდი გარკვეულ თანხას მიიღებს სპონსორისგან, ასევე აღსანიშნავია ბონუს სისტემაც, რომელიც შედეგებიდან და წარმატებული ასპარეზობიდან გამომდინარე იქნება.

კროკობეთის წარმომადგენელი - გიორგი ბახუტაშვილი:"ტიტები ახალი და მზარდი გუნდია, ყოველწლიურად ვითარდება. მათ გასულ სეზონში საქართველოს თასი მოიგეს და წელსაც მაღალი მიზნებისთვის იბრძვიან. აღნიშნული პარტნიორობა ძალიან მნიშვნელოვანია. შეგვიძლია დარწმუნებით გითხრათ, რომ ჩვენი პარტნიორობა არ იქნება ერთი უბრალო, მორიგი სპონსორობა გუნდსა და კომპანიას შორის. ყველანაირად ხელს შევუწყობთ ტიტების განვითარებასა და ზრდას. ჩვენ ერთად შევძლებთ არამარტო საქართველოში, არამედ მის ფარგლებს გარეთაც გუნდის სახელის წარმოჩენას."

ტიტების გენერალური მენეჯერი - გიორგი ჯაფარიძე:"პირველ რიგში, მინდა მადლობა გადავუხადო კომპანია crocobet-ს რომელიც ყოველთვის ქართული სპორტის სამსახურში დგას და არაერთ სპორტულ პროექტში მონაწილეობს.ისეთი კლუბისთვის, როგორიც ტიტებია, ძალიან მნიშვნელოვანია მსგავსი პარტნიორობა და გვერდში დგომა. ჩვენ სუპერლიგაში ყველაზე მცირე ბიუჯეტი გვაქვს, თუმცა მოვახერხეთ სწორი და სუფთა მუშაობით საქართველოს თასის მოგება. ტიტები მზარდი კლუბია და ყოველდღიურად ვიზრდებით, დიდი იმედი გვაქვს, ჩვენი თანამშრომლობის პერიოდში არაერთ წარმატებას მივაღწევთ."

"კროკობეთი" ტიტების გენერალური სპონსორი გახდა

უახლესი ამბები