2023 წლის მსოფლიო ჩემპიონატს ინდონეზია, იაპონია და ფილიპინები უმასპინძლებენ
ტურნირი სტარტს 2023 წლის 25 აგვისტოს აიღებს

FIBA-მ 2023 წლის მსოფლიო ჩემპიონატის ჩატარების თარიღები ოფიციალურად დაადგინა. ტურნირი სტარტს 2023 წლის 25 აგვისტოს აიღებს და 10 სექტემბერს დასრულდება.

აღნიშნული თარიღები ფიბას ცენტრალურმა საბჭომ მასპინძელ ქვეყნებთან და ტურნირის საორგანიზაციო კომისიასთან კონსულტაციის შემდეგ დაამტკიცა.

საკალათბურთო მსოფლიო ჩემპიონატის ჯგუფურ ეტაპს იაპონია, ინდონეზია და ფილიპინები უმასპინძლებენ. ხოლო, ფინალური ეტაპი ფილიპინების დედაქალაქში, მანილაში გაიმართება.

FIBA sets dates for 2023 World Cup #FIBAWC

| Eurohoops https://t.co/5jVGAc7gp8
— Eurohoops (@Eurohoopsnet) May 11, 2020

უნდა აღინიშნოს, რომ ეს არის ისტორიაში პირველი შემთხვევა, როდესაც მსოფლიო თასს ერთდროულად რამდენიმე ქვეყანა უმასპინძლებს.

კალათბურთის 2023 წლის მსოფლიო ჩემპიონატის საკვალიფიკაციო ეტაპი, სადაც მუნდიალზე მოსახვედრად 80 ნაკრები იბრძოლებს, 2021 წლის ნოემბერში დაიწყება და 2023 წლის თებერვლამდე გაგრძელდება.

ასევე, ცნობილია, რომ შესარჩევი ციკლის პირველი ტურის მატჩები 2021 წლის 22-30 ნოემბერს გაიმართება.

ასევე იხილეთ: ოფიციალურად: FIBA-მ ევრობასკეტი ერთი წლით გადადო

FIBA-მ 2023 წლის მსოფლიო ჩემპიონატის თარიღები დაადგინა

უახლესი ამბები