ესპანეთს კალათბურთი უბრუნდება
ჩემპიონობისთვის ყველა ქართველი იბრძოლებს

ესპანური საკალათბურთო ლიგის მმართველებმა, ჩემპიონატის გაგრძელების გადაწყვეტილება მიიღეს. როგორც განცხადებაშია ნათქვამი, ტურნირის ყველა დარჩენილ მატჩს ვალენსია უმასპინძლებს.

Fase Final #LigaEndesa

⏺️ 12 equipos divididos en dos grupos de seis

⏺️ Todos los equipos disputarán cinco partidos, uno contra cada rival de su grupo

⏺️ Los dos primeros de cada grupo se enfrentarán en semifinales, y los vencedores disputarán la final pic.twitter.com/ehWNzOYWhh
— Liga Endesa (@ACBCOM) May 27, 2020

ცოტა ხნის წინ გავრცელებული ინფორმაციით, რაც ჩვენც გამცნეთ, სავარაუდო ლოკაციად კანარის კუნძულები ითვლებოდა, თუმცა როგორც ჩანს უსაფრთხოების ნორმებს უკეთ ვალენსია აკმაყოფილებს.

ახალი ფორმატის თანახმად, რომელიც თითქმის ერთი თვეა ცნობილია, პირველ თორმეტეულში მყოფი გუნდები ორ ჯგუფად გადანაწილდნენ. ისინი 5 ტურის შემდეგ ჯგუფის საუკეთესოებს გამოავლენენ. პირველ-მეორე ადგილოსნები ერთმანეთს ნახევარფინალში გაეჯიბრებიან, ბოლოს კი ფინალი ჩატარდება.

A ჯგუფი: ბარსელონა, ტენერიფე, ბილბაო ბასკეტი, ბასკონია, უნიკახა, ხუვენტუდი.

B ჯგუფი: რეალი, სარაგოსა, მორაბანკ ანდორა, ვალენსია, ბურგოსი, გრან კანარია.

შეგახსენებთ, რომ ჩემპიონობისთვის ACB ლიგაში მოთამაშე ყველა ქართველის გუნდი იბრძოლებს. A ჯგუფში გიორგი შერმადინის ტენერიფე და შენგელიასა ჯენინგის ბასკონია არიან, ხოლო B-ში ბექა ბურჯანაძის გრან კანარია და თად მაკფადენის ბურგოსი.

შეგახსენებთ, რომ კორონავირუსისს გამო თითქმის ყველა ლიგა შეჩერებულია, ამ დროის ოფიციალური მონაცემებით, მსოფლიოში COVID-19-ის 5,794,350 შემთხვევაა დაფიქსირებული, 357,516 პაციენტი გარდაიცვალა, ხოლო 2,499,801-მა ადამიანმა ვირუსი დაამარცხა.

ასევე იხილეთ: თორნიკე შენგელია: "ჯანმრთელობა ნომერ პირველი პრიორიტეტია"

გადაწყდა - ACB ლიგა ერთ ქალაქში ჩატარდება

უახლესი ამბები