ტიტები ახალი სეზონისთვის ემზადება
მარკოიშვილის გუნდს დათო ლომიძე შეუერთდა

ტიტების პირველი ახალწვეული სუპერლიგის ერთ-ერთი საუკეთესო სნაიპერი, დავით ლომიძე გახლავთ.

23 წლის უკანახაზელი თბილისური გუნდის ღირსებას მომდევნო ერთი წლის განმავლობაში დაიცავს. გასული სეზონი კაკტუსში დაიწყო, საიდანაც ა-ლიგის კსუ-ს რიგებში გადაინაცვლა.

ლომიძე, რომელიც მართვეს საკალათბურთო სკოლის აღზრდილია, "დიდების კალათბურთში" პირველად 2015 წელს ა-ლიგის გუნდში, "არენაში" გამოჩნდა, საიდანაც მცირე ხნით სუპერლიგაში სოხუმის შემადგენლობაში თამაშობდა.

ლომიძემ სოხუმიდან კაკტუსში გადაინაცვლა. "მცენარეებს" პირველივე წელს ა-ლიგა მოაგებინა. შემდეგ კი მომდევნო ორი სეზონი სუპერლიგაში წარმატებულად თამაშობდა.

2017 წელს სეზონის საუკეთესო ახალგაზრდა მოთამაშედ დაასახელს.

2018-2019 წლების სეზონში კი ქუთაისის ღირსებას იცავდა, სადაც პირველი ტიტული, საქართველოს სუპერთასი მოიგო.

ლომიძეს უთამაშია 16, 18 და 20 წლამდე ასაკობრივ ნაკრებში. ასევე, ილიას ზუროსმა ის ეროვნული ნაკრების გაფართოებულ შემადგენლობაშიც გამოიძახა.

დავით ლომიძე

დაიბადა: 13.01.1997

სიმაღლე: 197

პოზიცია: 2/3

კარიერა:

2015 (გაზაფხული) არენა 76

2015 (შემოდგომა) სოხუმი

2016-2018 კაკტუსი

2018-2019 ქუთაისი

2019 კაკტუსი

2020 კსუ

ტიტულები:

საქართველოს სუპერთასი 2018

ა-ლიგა 2016

შეგახსენებთ, რომ რამდენიმე დღის წინ თბილისური გუნდი საქართველოს ეროვნული ნაკრების ყოფილმა წევრმა და ერთ-ერთმა გამორჩეულმა კალათბურთელმა, მანუჩარ მარკოიშვილმა ჩაიბარა, რომელიც ტიტებს ახალი სეზონიდან უთავკაცებს.

საქართველოს კალათბურთის ფედერაციამ კორონავირუსის პანდემიის გამო 2019/20 წლების სეზონის ყველა შიდა ტურნირი გაუქმებულად გამოაცხადა.

აქვე იმასაც გეტყვით, რომ საკალათბურთო კლუბ თბილისის ტიტებსა და კომპანია crocobet.com-ს შორის გაფორმდა სასპონსორო ხელშეკრულება. Crocobet.com 2021 წლის სეზონის ბოლომდე ტიტების გენერალური სპონსორი იქნება.

ასევე იხილეთ: ACB Liga Endesa-მ სეზონის განახლებას შენგელიას მონაწილეობით ვიდეო მიუძღვნა

ტიტები სუპერლიგის ერთ-ერთი საუკეთესო სნაიპერით გაძლიერდა

ასევე იხილეთ

უახლესი ამბები