ხოვენტუდ ბადალონამ ოფიციალურ გვერდზე, ანტე ტომიჩთან კონტრაქტის გაფორმების შესახებ, ოფიციალური ცნობა გაავრცელა.

33 წლის ხორვატმა კალათბურთელმა ბადალონასთან ხელი 2+1 სისტემით გაფორმულ ხელშეკრულებას მოაწერა.

2019/20 წლების სეზონის დასრულების შემდეგ, ტომიჩმა ბარსელონა თავისუფალი აგენტის სტატუსით დატოვა, რომელშიც 2012 წლიდან თამაშობდა და კატალონიურ კლუბთან ერთად ესპანეთის ჩემპიონატის, თასის (3-ჯერ) და სუპერთასის გამარჯვებული გახდა.

⭐ @AnteTomic404, un nou crack pel Joventut!

✍ El croata, que ha firmado por 2 años y 1 opcional, ficha por la Penya

👉 https://t.co/CZYzWALlue #BadalonaÉsFutur #SomLaPenya pic.twitter.com/lOLoTCcavH
— Club Joventut Badalona (@Penya1930) July 19, 2020

ბოლო ორი სეზონის განმავლობაში ანტე "ლურჯ-ბროწეულისფერთა" კაპიტანი იყო.

2019/20 წლების სეზონში ანტე ტომიჩის სტატისტიკა ესპანეთის ჩემპიონატში მატჩში საშუალოდ 5,7 ქულასა და 4 მოხსნას შეადგენდა. ხოლო, ევროლიგაზე - 9,7 ქულასა და 5 მოხსნას.

შეგახსენებთ, გასულ სეზონში ბარსელონამ ესპანეთის ჩემპიონის ტიტული ბასკონიას დაუთმო. ფინალურ დაპირისპირებაში თორნიკე შენგელიას გუნდმა კატალონიელები 69:67 დაამარცხა.

ტომიჩმა ბარსელონა დატოვა

ანტე ტომიჩი ხოვენტუდის კალათბურთელია

ასევე იხილეთ

უახლესი ამბები