სანამ ცსკა ევროლიგის პირველ ტურს ითამაშებს, სადაც ბარსელონას ხვდება, ესპანურმა მედიამ დრო იხელთა და თორნიკე შენგელიას ინტერვიუ ჩამოართვა.

EL PAÍS-ის ჟურნალისტმა ქართველ კალათბურთელს რამდენიმე საინტერესო შეკითხვა დაუსვა:

მოსკოვი და ახალი გამოწვევა...

აღმოვაჩინე, რომ უმაღლესი კლასის გუნდში ვარ. კლუბში სამი ყოფილი გუნდელია ბასკონიადან, ჯეიმსი, ჰილარდი და ფოიგტმანი, ისინი ადაპტაციაში დამეხმარნენ. კარგი შემადგენლობა გვყავს, თუმცა ბევრი უნდა ვიშრომოთ.

საქართველო და რუსეთი: - ცსკა-ში ტრანსფერი...

ყველას მოსაწონ გადაწყვეტილებას ვერ მიიღებ. მესმის ჩემი თანამემამულეებისაც, მაგრამ, იმედია, მათაც ესმით ჩემი. როცა სახლიდან გავდივარ, ჩემი ოჯახის წარმომადგენელი ვარ, როცა საქართველოდან - ქვეყნის.

პატრიოტიზმი...

როდესაც საქართველოს ჰიმნს ვუსმენ ზუსტად ის შეგრძნება მაქვს, რაც მაშინ, როცა ბავშვი ნაკრების თამაშს ვუყურებდი. პატრიოტიზმი არის ვალდებულება და კუთვნილება.

NBA-ში თამაში...

შეთავაზება იყო, თუმცა არ წავალ 5 წუთით სათამაშოდ იმის სათქმელად, რომ ამერიკაში ვთამაშობდი - ეს ეტაპი უკვე იყო. სიმართლე გითხრათ, ახლა უფრო ევროლიგის მოგება მსურს, ვიდრე NBA-ში თამაში.

თორნიკე შენგელია: “პატრიოტიზმი არის ვალდებულება და კუთვნილება“

შენგელიას ინტერვიუ...

ასევე იხილეთ

უახლესი ამბები