საქართველოს ნაკრების მსროლელის კლუბმა ბორაცმა, ადრიატიკის ლიგაში მნიშვნელოვანი გამარჯვება მოიპოვა. ბოლოსწინა ადგილზე მყოფი ბორაცელები ხორვატიაში უშუალო კონკურენტ სპლიტს შეხვდნენ, რომელსაც მათზე 1 გამარჯვებით მეტი ჰქონდა მოპოვებული.

სერბულმა გუნდმა პრინციპულ მეტოქესთან 86:74 მოიგო, რაშიც ქართველმა სოლიდური წვლილი შეიტანა.

დუდა სასტარტო ხუთეულში იყო და მოედანზე 24 წუთი გაატარა. ბორაცელთა ბომბარდირი ნოვაკოვიჩი გახდა 21 ქულით, რის შემდეგაც საუკეთესო შედეგი სანაძეს ჰქონდა.

ქართველმა ლეგიონერმა 6-დან 3 ორქულიანი, 5-დან 2 სამიანი და 3-დან 3 საჯარიმო ჩააგდო, 15 ქულას უწია და ამას 2 პასი და 1 ჩაჭრაც მოაყოლა.

8 გამარჯვებითა და 17 მარცხით ბორაცი მე-10 ადგილზეა და რეგულარული ჩემპიონატის ბოლო, 26-ე ტურში ხორვატულ ციბონას უმასპინძლებს.

დუდას 15 ქულა და გამარჯვება პრინციპულ მეტოქესთან

ასევე იხილეთ

უახლესი ამბები