ტოკიოში ზაფხულის XXXII ოლიმპიური თამაშები დღეს, 8 აგვისტოს, ოფიციალურად დაიხურება.

ტრადიციულად, ოლიმპიურ თამაშებზე უდიდესი მნიშვნელობა ენიჭება საკალათბურთო ტურნირს, რომლსაც ეროვნული ნაკრებები სრული სერიოზულობით ეკიდებიან და მოპოვებული ოქროს მედლები მათთვის განსაკუთრებულად პრესტიჟულია.

აშშ-ის ოლიმპიური ნაკრები კვლავ ყველაზე ძლიერი აღმოჩნდა. გრეგ პოპოვიჩის დამოძღვრილმა გუნდმა ფინალურ დაპირსპირებაში საფრანგეთი 87-82 დაამარცხა და ოლიმპიური ოქროს მედლები ზედიზედ მეოთხედ, ისტორიაში კი მეთხუთმეტედ მოიპოვეს.

ბრინჯაოს მედლისთვის ბრძოლაში კი ავსტრალიამ სლოვენია 14-ქულიანი სხვაობით, 107-93 დაამარცხა.

კალათბურთის საერთაშორისო ფედერაციამ (FIBA) კი განვლილ ოლიმპიურ თამაშებზე ტურნირი შეაფასა და საუკეთესო ხუთეული შეადგინა, რომელშიც ხუთი ნაკრების თითო კალათბურთელი მოხვდა: კევინ დურანტი (აშშ), რიკი რუბიო (ესპანეთი), ლუკა დონჩიჩი (სლოვენია), რუდი გობერი (საფრანგეთი) და პატი მაილსი (ავსტრალია).

ტოკიო 2020 - ALL STAR

ფიბამ საუკეთესო ხუთეული დაასახელა

ასევე იხილეთ

უახლესი ამბები