საქართველოს 16-წლამდელ კალათბურთელთა ნაკრები ევროჩელენჯერის ფინალში გავიდა, სადაც უნგრეთის ასაკობრივ გუნდს შეხვდა.

პირველი მეოთხედი საკმაოდ დაძაბული გამოდგა - მიუხედავად თანაბარი ბრძოლისა უნგრეთმა 19:17 იმარჯვა.

მეორე მეოთხედი საინტერესოდ წარიმართა. უპირატესობა ვერცერთმა ნაკრებმა მოიპოვა - ტაბლოზე ფრე დაფიქსირდა (36:36).

მესამე მეოთხედი ქართველებისთვის წარმატებული გამოდგა. 16-წლამდელებმა 5-ქულიანი უპირატესობა მოიპოვეს და ბოლო მეოთხედის წინ 54:49 დააფიქსირეს.

მეორთხე მეოთხედი უნგრეთმა აშკარა უპირატესობა მოიპოვა და გამარჯვებაც იზეიმა - 75:72

შეგახსენებთ, ირაკლი ტომარაძისა და ნიკოლოზ ცინცაძის გაწვრთნილმა გუნდმა ნახევარფინალში უკრაინის U16 ნაკრები იოლად, 82:62 დაამარცხა.

ცნობისთვის, სოფიაში გამართულ ევროჩელენჯზე ქართველმა კალათბურთელებმა ფინალამდე ზედიზედ სამი გამარჯვება იზეიმეს.

უკრაინასთან საქართველოს ნაკრების უპირატესობა აშკარა იყო და მატჩის ბედი პირველსავე ტაიმში გადაწყდა, რომლის შემდეგ სხვაობა 16 ქულას შეადგენდა.

გარდამტეხი მე-2 პერიოდი იყო, რომელიც საქართველომ 23:10 მოიგო.

ევროჩელენჯერის ფინალი! - საქართველო უნგრეთთან დამარცხდა

უახლესი ამბები