საქართველოს ნაკრების კაპიტნის თორნიკე შენგელიას ცსკა-მ VTB ლიგის ახალი სეზონი ფანტასტიურად დაიწყო. რუსულმა გრანდმა ბელარუსული მინსკი სტუმრად 92:44 გაანადგურა.

ქართველი ფორვარდი ტრადიციულად სასტარტო ხუთეულში გამოჩნდა და მოედანზე მხოლოდ 14:51 წუთი გაატარა, მაგრამ მაინც შედეგიანი იყო.

თოკომ ცსკას 13 ქულა, 1 მოხსნა, 4 პასი და 1 ჩაჭრა შესძინა. მან 4-დან 3 ორქულიანი, სამქულიანი და 4-ვე საჯარიმო ჩააგდო, ბურთი არ დაუკარგავს, მხოლოდ 1 პერსონალური ფოლი მიიღო, მის წინააღმდეგ კი 5-ჯერ დაჯარიმდნენ.

აღსანიშნავია, რომ სტუმართა რიგებში 10 და მეტი ქულა ერთბაშად შვიდმა კალათბურთელმა ჩააგდო.

რუსეთის არმიის კლუბი მომდევნო მატჩს VTB ლიგაში 26 სექტემბერს პოლონური ზელენა გურას წინააღმდეგ გამართავს, ისინი ამ შეხვედრაშიც უდავო ფავორიტები იქნებიან.

ცსკა-მ VTB ლიგა მინსკის 48 ქულიანი განადგურებით დაიწყო

ასევე იხილეთ

უახლესი ამბები