კორონავირუსის საწინააღმდეგო ვაქცინაცია NBA-ს ამუხრუჭებს. ამის მიზეზად ის მოთამაშეები სახელდებიან, რომლებსაც „სატანის გეგმის“ განხორციელებისთვის კომპიუტერებზე შავკანიანების დასაკავშირებლად მიკროჩიპების შეთქმულების თეორიის სჯერათ. მათ შორის არის ბრუკლინ ნეთსის ვარსკვლავური მცველი კაირი ირვინგი.

კორონავირუსის პანდემიის ფონზე აშშ-ში განსაკუთრებით მძაფრად დგას ვაქცინაციის საკითხი. ეროვნულ საკალათბურთო ასოციაციაში, რომლის ახალი სეზონის დაწყებამდე დიდი დრო არ რჩება, ვაქცინაცია, ჯერჯერობით, სავალდებულო არ არის, მაგრამ ცალკეული შტატების ხელისუფლებას ამასთან დაკავშირებით საკუთარი შეზღუდვები აქვს დაწესებული.

ირვინგი, რომელიც მოთამაშეთა პროფკავშირის აღმასრულებელი კომიტეტის ვიცე-პრეზიდენტია და ანტივაქსერული შეხედულებები აქვს, ცოტა ხნის წინ ინსტაგრამზე ერთ-ერთი კონსპიროლოგს შეუერთდა, რომელიც აცხადებს „საიდუმლო საზოგადოებები“იმისთვის ნერგავენ ვაქცინას, რომ ამერიკის შავკანიანი მოსახლეობა სუპერ კომპიუტერს დააკავშირონ და შედეგად „სატანის გეგმა“ განახორციელონ.

Rolling Stone-ის ცნობით, ვაქცინაციის მეშვეობით დაჩიპვა NBA-ის რამდენიმე კლუბში და ჯგუფურ ჩატში აქტიურად განიხილება.

ასევე ცნობილია, რომ დღესდღეობით NBA-ის მოთამაშეთა დაახლოებით 10 პროცენტს ვაქცინაცია ჯერ არ ჩაუტარებია. ყოველივეს გათვალისწინებით ნიუ იორკის და სან ფრანცისკოს ხელისუფლების მიერ დაწესებული შეზღუდვების გამო აუცრელებს შეიძლება რიგი მატჩების გამოტოვება მოუწიოთ და ფინანსური სანქციებიც დაეკისროთ.

ისე, პირველი შემთხვევა არ არის, როდესაც კაირი ირვინგი საკუთარი განცხადებებით იპყრობს ყურადღებას. NBA-ის ვარსკვლავმა 2017 წელს სრული სერიოზულობით განაცხადა, რომ დედამიწა ბრტყელია. ახლახანს კი ყველას პირბადის მოხსნისკენ მოუწოდა, რაც მალევე გადათქვა.

კაირი ირვინგი ვაქცინაციაში კომპიუტერებზე შავკანიანების დაკავშირებას ხედავს

ასევე იხილეთ

უახლესი ამბები