NBA-ის რეგულარული სეზონის ეგიდით გამართულ მორიგ მატჩში, ბრუკლინ ნეთსი ჩიკაგო ბულსს დაუპირისპირდა და 116:105 დაამარცხა. მიუხედავად იმისა, რომ ჩიკაგომ თამაში საკმაოდ კარგად დაიწყო და პირველი პერიოდი 26:19 მოიგო, უპირატესობის განიავება უკვე მეორე პერიოდიდან მოუწია, რომელშიც 10-ქულიანი ჩამორჩენა დააფიქსირა და 34:24 დათმო. შედეგად, შესვენებაზე გუნდები ანგარიშით 53:50 გავიდნენ. სამი ქულით წინ ნეთსი აღმოჩნდა.

განსაკუთრებით საინტერესო გამოდგა მესამე და მეოთხე პერიოდები. შესვენების შემდეგ, ბულსმა უპირატესობა კვლავ დაიბრუნა 34:26, მაგრამ ბოლო პერიოდი უკვე 37:21 დათმო, რამაც ბრუკლინ ნეთსი საბოლოო გამარჯვებამდე მიიყვანა.

ყველაზე მეტი - 38 ქულა ამ შეხვედრაში ჩიკაგო ბულსის კალათბურთელმა, ზაკ ლევინმა ჩააგდო. 28 წლის ამერიკელმა პარკეტზე ჯამში 39:54 წუთი გაატარა და ამ დროში ერთი მოხსნა და ამდენივე გადაცემა მიითვალა. მის შემდეგ კი გამორჩეული უკვე ბრუკლინ ნეთსის წევრი, სპენსერ დინვიდი იყო. მან საკუთარ გუნდს 25 ქულა მოუტანა. ასევე შეასრულა ხუთი მოხსნა და ექვსი პასი.

მოხსნების ჯამურ რაოდენობას თუ გადავხედავთ, ბრუკლინელებმა ამის გაკეთება 49-ჯერ შეძლეს, ხოლო მათმა მეტოქემ 46-ჯერ. ნეთსის წევრებმა 20, ხოლო ბულსის 16 პერსონალური ფოლი მიიღეს.

ბრუკლინ ნეთსმა ჩიკაგო ბულსის დამარცხება შეძლო

ბრუკლინ ნეთსი 116:105 ჩიკაგო ბულსი

უახლესი ამბები