25 აგვისტოდან 10 სექტემბრის ჩათვლით საკალათბურთო მსოფლიო ჩემპიონატი გაიმართება. საქართველოს ნაკრები სადებიუტო მსოფლიოს ჩემპიონატზე F ჯგუფში იასპარეზებს, სადაც მეტოქეებად კაბო-ვერდე, ვენესუელა და სლოვენია ეყოლება.

ტურნირის დაწყებამდე 100 დღით ადრე, FIBA-მ კალენდარი დააზუსტა და ცნობილი გახდა, რომ ჩვენი ნაკრები გამოსვლას კაბო-ვერდესთან თამაშით დაიწყებს, რომელიც 26 აგვისტოს 12:00 საათზე დაიწყება.

28-ში კი საქართველო სლოვენიას 15:30 საათიდან დაუპირისპირდება, ხოლო 30 რიცხვში ვენესუელასთან თამაში კვლავ 12:00 საათზე აიღებს სტარტს. 2023 წლის მსოფლიო პირველობას სამი ქვეყანა მასპინძლობს. ფილიპინები, იაპონია და ინდონეზია. ილიას ზუროსის შეგირდებს კი ჯგუფური ეტაპის შეხვედრების გამართვა იაპონიაში მოუწევთ. კერძოდ კი ოკინავაში.

საქართველო მსოფლიოზე გამოსვლას კაბო-ვერდესთან მატჩით დაიწყებს

FIBA-მ კალენდარი დააზუსტა

უახლესი ამბები