საქართველოს 16-წლამდელთა ნაკრებმა ევროპის ჩემპიონატის A დივიზიონის საგზური მოიპოვა და 2024 წლის კონტინენტის პირველობის ელიტაში იასპარეზებს. ნიკა ცინცაძისა და ლევან ტყეშელაშვილის გაწვრთნილმა გუნდმა რუმინეთის ქალაქ პიეშტში დასრულებული ევროპის ჩემპიონატის B დივიზიონში მე-3 ადგილი დაიკავა. ქართველებმა მასპინძელ რუმინეთს დაძაბულ ბრძოლაში – 70:68 მოუგეს და 6 წლის წინ 16-წლამდელების მიერ მიღწეული შედეგი გაიმეორეს.

გარდა ამისა, FIBA-მ B დივიზიონის ტოპ ხუთი კალათბურთელი დაასახელა და მათ შორის კუთვნილი ადგილი ავთანდილ ბახტაძემ დაიკავა. მასთან ერთად კი საუკეთესოებად ბორნა კატანოვიჩი (ხორვატია), როკო იემო (ხორვატია), ივაილო სრინსკი (ბულგარეთი), კოდრუტ-ალექსანდერ დინუ (რუმინეთი) დასახელდნენ.

რუმინეთთან საქართველოს რიგებიდან 23 ქულით ბომბარდირი მათე ხატიაშვილი გახდა. საერთო სარგებლიანობით საქართველოს ავთანდილ ბახტაძემ ულიდერა, რომელმაც 18 ქულა, 15 მოხსნა, 2 პასი და 2 ჩაჭრა მიითვალა. 11 ქულითა და 5 მოხსნით დაასრულა მატჩი გიორგი ჭირაქაძემ, ილია სულაძის ანგარიშზე 5 ქულა დაგროვდა.

საქართველოს ნაკრებთან ერთად A დივიზიონის საგზურები ხორვატიამ და ბულგარეთმა მოიპოვეს. ამ გუნდების ფინალური მატჩი ხორვატების იოლი გამარჯვებით – 85:67 დასრულდა.

წყარო: GBF

U16 | საქართველომ ელიტის საგზური მოიპოვა - ბახტაძე ტოპ ხუთში მოხვდა

ახალგაზრდა ქართველი კალათბურთელების წარმატება ევროპის ჩემპიონატზე

უახლესი ამბები