საქართველოს კალათბურთელთა ეროვნულმა ნაკრებმა 2025 წლის ევრობასკეტის შესარჩევი ეტაპის ფარგლებში მეოთხე მატჩი გამართა და მეორე გაამრჯვება მოიპოვა.

G ჯგუფის მეოთხე ტურის ეგიდით, ალექსანდარ ჯიკიჩის გუნდმა "თბილისი არენაზე" ფინეთის ეროვნულ გუნდს უმასპინძლა და 17 ქულის სხვაობით, 81-64 დაამარცხა.

ტაბლოსთან დაკავშირებული ტექნიკური პრობლემის გამო, მატჩი 50 წუთის დაგვიანებით, 19:50 საათზე დაიწყო. საწყის წუთებში ფინელები უფრო აქტიურად გამოიყურებოდნენ და 10-2 დაწინაურდნენ, რის შემდეგაც თამაში გარდამავალი უპირატესობით წარიმართა, ჩვენმა გუნდმა როგორც დაცვაში, ასევე შეტევაში საკმაოდ მოუმატა და საბოლოოდ, მასპინძ₾ებმა პირველი მეოთხედი ოთხი ქულით, 17-21 დათმეს.

მეორე პერიოდის პირველი ორი წუთი უშედეგოდ მიმდინარეობდა. გუნდები შეტევებს შეტევებზე აფუჭებდნენ. ანგარიში კი ისევ ფინელებმა გახსნეს, რის შემდეგაც ქართველებმა მეტოქეს ორი შედეგიანი შეტევით უპასუხეს - ჯერ ბოლდუინმა ჩააგდო სამქულიანი, შემდეგ კი შენგელიამ მიითვალა მორიგი ორი ქულა და საერთო ანგარიშში საქართელოს ნაკრებმა სხვაობა მინიმუმამდე შეამცირა. ტაიმის დასრულებამდე წუთნახევრით ადრე საქართველოს ნაკრების ნარტურალიზებულმა კალათბურთელმა შეტევა შედეგიანი ტყორცნით დაასრულა და მატჩში პირველად, ანგარიში გავათანაბრეთ. ხოლო, 58 წამით ადრე კი ჩვენი გუნდი პირველად დაწინაურდა. მიუხედავად ამისა, ტაიმი 38-40 დავთმეთ.

შეხვედრის მეორე ნახევარი ჩვენმა გუნდმა აქტიურად დაიწყო და დუდა სანაძის საჯარიმო ტყორცნებით ანგარიში გავათანაბრეთ, რის შემდეგაც, მატჩი ორმხრივი იერიშებით წარიმართა და ტაბლოზე მინიმალური სხვაობა ნარჩუნდებოდა, თუმცა მეოთხედის დასრულებამდე ორი წუთით ადრე, ჩვენმა ბიჭებმა ზედიზედ ორი შედეგიანი შეტევა განახორციელეს და ხუთი ქულით დავწინაურდით. შედეგად კი გადამწყვეტი მეოთხედის წინ, ორქულიანი უპირატესობა მივიღეთ. მეოთხე პერიოდიც ქართველების აქტიურობით დაიწყო და საწყის წამებზევე, ანგარიშში სხვაობა ექვს ქულამდე გავზარდეთ. საბოლოოდ, კი საქართველომ არც თუ მარტივ დაპირისპირებაში უმნიშვნელოვანესი გამარჯვება მოიპოვა.

ამრიგად, საქართელოს ნაკრებმა ფინეთი ზედიზედ მეორე შეხვედრაშიც დაამარცხა და ევროპის ჩემპიონატზე გასასვლელად უდიდესი ნაბიჯი გადადგა. მომდევნო მატჩი კი ჯიკიჩის გუნდს მომავალი წლის თებერვალში, დანიის ნაკრებთან ელის.

საქართველომ ფინეთი დაამარცხა

საქართველომ ჯგუფში მეორე მატჩი მოიგო

უახლესი ამბები