საკალათბურთო ევროლიგის პლეი ოფის მეორე რაუნდში ოლიმპიაკოსმა მონაკო სერიაში 3-0 დაამარცხა და ოთხთა ფინალში გავიდა, სადაც მისი შემდეგი მეტოქე ფენერბაჰჩესა და ჟალგირისის წყვილში გამარჯვებული იქნება.

აღსანიშნავია, რომ ბერძნულმა კლუბმა მონაკო სამივე მატჩში დამაჯერებლად დაამარცხა (91-70; 94-64; 105-82) და საერთო ჯამში სერია 74-ქულიანი სხვაობით მოუგო, რაც ევროლიგის ისტორიაში საუკეთესო მაჩვენებელია.

წინა რეკორდი ბარსელონას ეკუთვნოდა. 2013/2014 წლების სეზონის მეოთხედფინალში კატალონიელებმა გალათასარაისთან სერია 3-0 დახურეს და სამი მატჩის ჯამში მეტოქეს 51 ქულით აჯობეს.

შეგახსენებთ, რომ ევროლიგის მიმდინარე სეზონში ოლიმპიაკოსმა რეგულარული ჩემპიონატი პირველ ადგილზე დაასრულა. რაც შეეხება მონაკოს, მონეგასკებმა მერვე ადგილი დაიკავეს და პლეი ინში კატალონიის ბარსელონა დაამარცხეს.

[html]

Movement toward Athens 👀

Updated EuroLeague Playoffs bracket after tonight’s games.#EveryGameMatters | #F4GLORY pic.twitter.com/IPE2U2Sxtv
— EuroLeague (@EuroLeague) May 5, 2026

[/html]

ოლიმპიაკოსმა ევროლიგის რეკორდი გააუმჯობესა

ოლიმპიაკოსმა მონაკო 3-0 დაამარცხა

უახლესი ამბები