12 ოქტომბერს საქართველოს ეროვნული ნაკრები დინამო არენაზე ევროპის ჩემპიონატის საკვალიფიკაციო ეტაპის ჯგუფში მორიგ შეხვედრას ირლანდიის წინააღმდეგ გამართავს. როგორც საქართველოს ფეხბურთის ფედერაცია აცხადებს, მატჩზე დასასწრები ბილეთების გაყიდვა უკვე დაიწყო. სალაროები ყოველდღიურად 11:00 დან 19:00 საათამდე იმუშავებენ. ბილეთების შეძენა ასევე შესაძლებელი იქნება თბილისობაზე არსებულ ფეხბურთის სივრცეშიც.

შეგახსენებთ, რომ ჩვენი ნაკრები D ჯგუფში ასპარეზობს და 4 ქულით ბოლოს წინა, მე 4 ადგილზეა, ხოლო მეტოქე ირლანდია 11 ქულით ჯგუფს ლიდერობს. ბოლო შეხვედრაში ჩვენმა სტუმრებმა ფრედ, 1-1 ითამაშეს შვეიცარიასთან, ხოლო საქართველომ დანიას უმასპინძლა და იმ მატჩში გოლი არ გასულა.

ირლანდიის შემდეგ, საქართველოს ნაკრები სტუმრად გიბრალტარს 15 ოქტომბერს ეწვევა, ხოლო ბოლო შეხვედრას ამ საკვალიფიკაციო ეტაპზე 15 ნოემბერს სტუმრად შვეიცარიასთან გამართავს.

საქართველო-ირლანდია ბილეთების გაყიდვა დაწყებულია

უახლესი ამბები