Marca-სთან მიცემულ ინტერვიუში, ზინედინ ზიდანმა პსჟ-სთან გასამართ მატჩზე ისაუბრა. ფრანგმა სპეციალისტმა განსაკუთრებით გამოყო მისი თანამემამულე, კილიან მბაპე.

"სამწუხაროა, რომ მბაპე მადრიდში ისე ჩამოდის, როგორც ჩვენი მეტოქე. ის ბრწყინვალე ფეხბურთელია. შეიძლება ითქვას, რომ მბაპეზე შეყვარებული ვარ. არასდროს მოვერიდები იმის თქმას, რომ მის მომავალს მადრიდში ვხედავ, თუმცა არ ვაპირებთ, რომ მინდორზე 11-მა მადრიდელმა ფეხბურთელმა იზრუნოს მის განეიტრალებაზე."

"პარიზელებს დიდი ამბიციები აქვთ. ისინი ძალიან კარგ ფორმაში არიან და ჯგუფსაც დამსახურებულად ლიდერობენ. მათ უამრავი ისეთი მოთამაშე ჰყავთ, რომლებსაც მატჩის ბედის გადაწყვეტა შეუძლიათ, თუმცა ყველას კარგად მოეხსენება იმის შესახებ, რომ რეალი სანტიაგო ბერნაბეუზე მინდორზე მხოლოდ ერთი მიზნით გადის და ეს მიზანი გამარჯვებაა. დღეს ერთმანეთს ორი ისეთი გუნდი ხვდება, რომლებსაც უყვართ სწრაფი და სანახაობრივი ფეხბურთის ჩვენება. ბევრი გოლის გატანა და ყველაფერი ის, რაც გულშემატკივარს აბედნიერებს. წინ საინტერესო მატჩი გველის და ყველაფერს გავაკეთებთ, რომ ჩვენს გულშემატკივრებს იმედები გავუმართლოთ." - განაცხადა ზინედინ ზიდანმა.

ასევე იხილეთ: "რეალის ბერნაბეუზე დამარცხებით ბევრ რამეს დავამტკიცებთ" - მბაპე.

"მბაპეზე შეყვარებული ვარ"

უახლესი ამბები