მანჩესტერ იუნაიტედმა 30 წლის იგალოს ტრანსფერი ოფიციალურად დაადასტურა.
ჩინური კლუბი ფეხბურთელის იჯარით გაშვებას დათანხმდა.

ოდიონ იგალო შანხაი გრინლენდ შენჰუადან მანჩესტერულ კლუბში 6 თვიანი იჯარით გადავიდა. ბრიტანული პრესა დიდი ხნის განმავლობაში წერდა, რომ "წითელი ეშმაკები" თავდამსხმელს ეძებნდნე. მეტიც - კარლოს ტევესის დაბრუნებასაც კი არ გამორიცხავდნენ, თუმცა როგორც აღმოჩნდა საბოლოოდ მათ ნიგერიელი იგალო დაიმატეს, რომელიც ინგლისის პრემიერ ლიგაში უკანასკნელად 2017 წელს უოტფორდის შემადგენლობაში გამოდიოდა.

Manutd: United complete loan move for Nigerian striker Ighalo https://t.co/gKBkkCINM4 #MUFC
— ManchesterFC News (@MUFC_Madness) February 1, 2020

უოტფორდის გარდა იგალოს ევროპის სხვადასხვა წამყვანი ჩემპიონატის კლუბებშიც აქვს ნათამაშები. 2011-14 წლებში ის გრანადას ღირსებას იცავდა, ხოლო მანამდე უდინეზეშიც ირიცხებოდა.

ოლე გუნარ სულშერმა აღნიშნული ტრანსფერი შეაფასა:"ოდიონ იგალო გამოცდილი ფეხბურთელია. მისი მოსვლით ჩვენ მივიღებთ განსხვავებული ტიპის თავდამსხმელს. ის ნამდვილი პროფესიონალია, რომელიც თავის დროს აქ მაქსიმალურად გამოიყენებს."

მანჩესტერ იუნაიტედის ყველაზე მნიშვნელოვანი ტრანსფერი 2020 წლის იანვარში რა თქმა უნდა ბრუნო ფერნანდეშია, რომელიც სპორტინგიდან დაიმატეს.

ასევე იხილეთ: VIDEO | რუნის საჯარიმო გოლი სტოკთან

მანჩესტერ იუნაიტედმა ნიგერიელი თავდამსხმელი დაიმატა

უახლესი ამბები