კობიაშვილი ერთა ლიგის მატჩების გადადებაზე საუბრობს
ფედერაციის პრეზიდენტი ფეხბურთელების ჯანმრთელობაზე ფიქრობს

ტელეკომპანია იმედის სპორტულ გადაცემაში საქართველოს ფეხბურთის ფედერაციის პრეზიდენტმა ლევან კობიაშვილმა, ერთა ლიგის მოახლოებული მატჩის შესახებ ისაუბრა.

მისი თქმით, გულშემატკივრების ჯანმრთელობაზე ფიქრი კარგია, თუმცა მატჩის ჩატარების შემთხვევაში ფეხბურთელები დაინფიცირების რისკის ქვეშ იქნებიან:

“ჩვენ პირველი გამოვაქვეყნეთ განცხადება. ჩვენი პოზიცია იყო ან ვთამაშობთ მაყურებლით ან ეს თამაში არ უნდა ჩატარდეს. მაყურებლის გარეშე ამ შეხვედრის ჩატარება იყო მიუღებელი.

წარმოიდგინეთ, რომ რომელიმე მოთამაშე რომ გაცივდეს. ხომ წარმოგიდგენიათ რა მოხდება იქ?. კარგია როდესაც ვფიქრობთ გულშემატკივარზე, თუმცა ცუდია ის რომ არ ვფიქრობდით ფეხბურთელებზე. დაველოდოთ სამშაბათს და გავიგებთ როგორი იქნება მატჩის ბედი“, - თქვა მან.

შეგახსენებთ, 17 მარტს უეფა პრესკონფერენციას გამართავს და ყველაფერი გახდება ცნობილი. ვრცელდება ინფორმაცია, რომ მარტში გასამართი შეხვედრები, დიდი ალბათობით, გადაიდება.

ფედერაციის გადაწყვეტილებით, შეჩერებულია საქართველოს საფეხბურთო ჩემპიონატი, რომელიც აპრილში განახლდება.

ასევე იხილეთ: ჩიომარუს კიუჯო | სუმოს სამყარო კორონას ებრძვის

ლევან კობიაშვილი: “წარმოიდგინეთ რომელიმე მოთამაშე, რომ გაცივდეს...“

ასევე იხილეთ

უახლესი ამბები