არსენალი ვენგერს ძეგლს დაუდგამს
"მეთოფეები" ლეგენდარულ ფრანგს საპატიო თანამდებობასაც შესთავაზებენ

ლონდონის არსენალი, ლეგენდარულ მთავარ მწვრთნელს, არსენ ვენგერს განსაკუთრებულად დააფასებს. "მეთოფეები" ზაფხულში "ემირეითსის" სტადიონის მიმდებარე ტერიტორიაზე, ფრანგი სპეციალისტისთვის, ბრინჯაოს ძეგლის დადგმას გეგმავენ. აღნიშნულ ინფორმაციას, ინგლსური მედია ავრცელებს.

Beberapa laporan hari ini mengabarkan bahwa pembangunan patung Arsène Wenger didepan Emirates Stadium sedang berlangsung & juga akan terdapat stand di dalam Emirates Stadium yang dinamai mantan pelatih Arsenal tersebut. [@PatrickTimmons1] pic.twitter.com/r7GVh2E0nA
— Gooners Report Indo (@Gooners_Report) March 27, 2020

ასევე განიხილება, სტადიონზე არსებული ერთ-ერთი სტენდისათვის არსენ ვენგერის სახელის მინიჭებაც. გარდა ამისა, კლუბის ხელმძღვანელები მისთვის ერთ-ერთი საპატიო თანამდებობის შეთავაზებასაც გეგმავენ. აღნიშნულ ღონისძიებას "მეთოფეები" წინასასეზონო მოსამზადებელი ეტაპის დროს გეგმავენ.

არსენ ვენგერი არსენალის ისტორიაში ყველაზე წარმატებული მწვრთნელია. გარდა ამისა, ფრანგი სპეციალისტი კლუბის სათავეში 22 წელი იდგა, რაც ასევე სარეკორდოა. ვენგერი არსენალს 1996-2018 წლებში წვრთნიდა. მისი მეთაურობით "მეთოფეებმა" სამჯერ პრემიერ ლიგის, ხოლო შვიდჯერ კი ინგლისის ასოციაციის თასის მოგება მოახერხეს. 2003-04 წლების ისტორიული ტიტულის, ოქროს პრემიერ ლიგის მომგები გუნდის მთავარი შემოქმედიც სწორედ ის გახლავთ. არსენალი დღემდე რჩება ერთადერთ გუნდად, რომელმაც ჩემპიონატი დაუმარცხებლად მოიგო.

ასევე იხილეთ: "მაშინდელ არსენალში ჩემი დონის ფეხბურთელი მხოლოდ ორი იყო"

არსენალი ვენგერს განსაკუთრებულად დააფასებს

უახლესი ამბები