მაიკლ მოლსმა არველაძე გაიხსენა
მან ქართველი შემტევი თერთმეტეულში შეიყვანა

ნიდერლანდელმა ყოფილმა ფეხბურთელმა მაიკლ მოლსმა, ადგილობრივ მედიასთან იმ მოთამაშეთა თერთმეტეული შეადგინა, რომლებთანაც წლების განმავლობაში უასპარეზია.

სიაში შოთა არველაძეც მოხვდა, რომელსაც საკმაოდ დადებითად ახასიათებს:

“შოთასთან ერთად რეინჯერსში ვთამაშობდი. ის ძალიან ტექნიკური იყო და შესანიშნავი საგოლე ალღო ჰქონდა. თავდასხმაში ნებისმიერ პოზიციაზე ერთანაირი წარმატებით შეეძლო თამაში და თამაშგარეშიც იშვიათად ხვდებოდა, რადგან ძალიან მობილური იყო. არველაძესთან თამაში ძალიან სასიამოვნო იყო”, - თქვა მან.

მისი თერთმეტეული კი, ასე გამოიყურება:

ედვინ ვან დერ სარი, ფერნანდო რიკსენი, ლორენცო ამორუზო, კრეიგ მური, არტურ ნიუმანი, კლაუდიო რეინა, ბარი ფერგიუსონი, ჯოვანი ვან ბრონხორსტი, რონალდ დე ბური, შოთა არველაძე, როდ უოლასი.

ასევე იხილეთ: შოთა და აიაქსი - არველაძემ წარსული გაიხსენა

ვან დერ სარი, არველაძე და სხვები - მოლსმა თერთმეტეული შეადგინა

უახლესი ამბები