Football Italia-ს ინფორმაციით, საფეხბურთო კლუბმა, იუვენტუსმა ვარჯიში განაახლა. ფეხბურთელებმა მოედანზე შესვლამდე კორონავირუსის ტესტი ჩაიტარეს და საბედნიეროდ ყველაფერი კარგად დასრულდა.

წყარო წერს, რომ “ბიანკონერის“ ბანაკში გონსალო იგუაინი და ადრიენ რაბიო არ გამოჩენილან, რომლებიც ჯერ კიდევ სამშობლოში იმყოფებიან და დიდი ალბათობით, შეზღუდული ფრენების გამო, იტალიაში დაბრუნებას ვერ ახერხებენ.

დაბრუნდნენ, მაგრამ საკარანტინო ზონაში არიან: რონალდუ, ბლეზ მატიუიდი, სამი ხედირა, მატიის დე ლიხტი, ვოიცეხ შენსნი, დანილო, დუგლას კოსტა და ალექს სანდრო.

ისინი 2-კვირიან სავალდებულო კარანტინს გაივლიან და შემდეგ, ბაზაზე შესვლას თავისუფლად შეძლებენ. ჯერჯერობით დიბალა “ზებრების“ სავარჯიშო პროცესს არ ესწრება, რადგან მან COVID-19 2 დღის წინ დაამარცხა.

ასევე იხილეთ: დიბალა: "პოგბას დაბრუნება იუვენტუსში? იმედი მაქვს, ეს მოხდება"

იუვენტუსი, კარანტინი, შინმოუსვლელები

უახლესი ამბები