კალიარიმ განცხადება გაავრცელა
ორშაბათს ფეხბურთელებს კორონავირუსზე შეამოწმებენ

კალიარიმ ოფიციალურ გვერდზე გაავრცელა განცხადება, რომ პირველი გუნდის ფეხბურთელები კორონავირუსზე შემოწმებას ორშაბათს გაივლიან.

მოგეხსენებათ, რომ სერია ა-ს კლუბებმა ვარჯიშის განახლების თაობაზე ნებართვა უკვე მიიღეს, თუმცა სარდინიელები არ ჩქარობენ და დროს ჯერჯერობით სამედიცინო შემოწმებას უთმობენ.

"კალიარი აცხადებს, რომ ორშაბათს, 11 მაისს ასემინის სპორტულ კომპლექსში პირველი გუნდის ფეხბურთელებს, ტექნიკურ პერსონალსა და პრიმავერას რამდენიმე მოთამაშეს მოლეკულური და სეროლოგიური ტესტები ჩუტარდებათ. ტესტირებას ჩაატარებენ სარდინიელი მედიკოსები, რომელსაც კლუბის სამედიცინო პერსონალიც დაესწრება.

უახლოეს დღეებში Korian-ის სამედიცინო ცენტრში, Quartu Sant'Elena-ში ფეხბურთელებს კარდიოლოგიური გამოკვლევები ჩაუტარდებათ", - ვკითხულობთ განცხადებაში.

📄 | TEST MEDICI

Lunedì esami a cura dell'Ats Sardegna per calciatori e staff tecnico.

➡️ https://t.co/4Vwr2uzngl pic.twitter.com/bd4WzAo5PM
— Cagliari Calcio (@CagliariCalcio) May 8, 2020

შეგახსენებთ, იტალიის სერია ა-ს 2019/20 წლების სეზონი კორონავირუსი პანდემიის გამო გაურკვეველი ვადით არის შეჩერებული და განახლების სავარაუდო თარიღიც კი ჯერჯერობით უცნობია.

ბოლო მონაცემებით, აპენინზე კორონავირუსით დაინფიცირების 217 185 ფაქტია დადასტურებული, საიდანაც 100 ათასამდე ადამიანი უკვე გამოჯანმრთელდა, ხოლო 30 201 შემთხვევა ლეტალურად დასრულდა.

ასევე იხილეთ: პეცელამ ჭორი უარყო

კალიარი განცხადებას ავრცელებს

ასევე იხილეთ

უახლესი ამბები