მანჩესტერ იუნაიტედი და შანხაი შენჰუა შეთანხმდნენ
ოდიონ იგალო "ოლდ ტრაფორდზე" 2021 წლამდე დარჩება

მანჩესტერ იუნაიტედმა და შანხაი შენჰუამ ოდიონ იგალოს საიჯარო ხელშეკლულების გახანგრძლივებასთან დაკავშირებით შეთანხმებას მიაღწიეს.

"წითელი ეშმაკების" ოფიციალური ვებ-გვერდის ცნობით, 30 წლის ნიგერიელ ფორვარდს, რომელიც "იუნატედში" ჩინური კლუბიდან იჯარის წესით იმყოფებოდა და კონტრაქტის ვადა 31 მაისს ამოეწურა, ხელშეკრულება გაუხანგრძლივდა და ბავშვობის ოცნების გუნდში თამაში 2021 წლის 31 იანვრამდე შეეძლება.

იგალო "ოლდ ტრაფორდზე" მიმდინარე წლის იანვარში გადაბარგდა და მისი 6 თვით არენდით აყვანაში "მანკუნიანელებმა" 3 მილიონი ფუნტი გადაიხადეს, ხოლო ოდიონს ხელფასის სახით კვირაში 130 ათასს უხდიდნენ.

Official announcement on @IghaloJude 🔴#MUFC
— Manchester United (@ManUtd) June 1, 2020

ყველა ტურნირის გათვალისწინებით, ნიგერიელმა ფორვარდმა მანჩესტერელთა მაისურით მონაწილეობა 8 შეხვედრაში მიიღო და თავი 4 გატანილი გოლით გამოიჩინა.

შეგახსენებთ, რომ ინგლისის პრემიერ ლიგა, რომელიც ამჟამად კორონავირუსის პანდემიის გამოა შეჩერებული, 17 ივნისს, 28-ე ტურის ორი გამოტოვებული მატჩით (ასტონ ვილა - შეფილდი; მანჩესტერ სიტი - არსენალი) განახლდება.

რაც შეეხება მანჩესტერ იუნაიტედს, 29 ტურის შემდეგ, 45 ქულით მე-5 ადგილს იკავებს, თუმცა ბირმინგემში შეფილდის გამარჯვების შემთხვევაში, სულშერის გუნდს ერთი პოზიციით დაქვეითება ემუქრება.

ასევე იხილეთ: სემედუს კარიერის გაგრძელება მხოლოდ ერთ კლუბში სურს

იგალო მანჩესტერში რჩება

ასევე იხილეთ

უახლესი ამბები