ესპანეთის ფეხბურთის ფედერაცია და ლა ლიგა შეთანხმდნენ
სეზონის დარჩენილი ყველა მატჩი წუთიერი დუმილით დაიწყება

ესპანეთის ფეხბურთის ფედერაციამ და ლა ლიგამ გამოაცხადეს, რომ სეზონის განახლების შემდეგ, ყველა პროფესიონალურ და არაპროფესიონალურ ლიგაში მატჩები წუთიერი დუმილით დაიწყება, რითიც ისინი პატივს კორონავირუსის შედეგად გარდაცვლილებს მიაგებენ.

ორივე ორგანიზაცია შეთანხმდა, რომ პანდემიის პერიოდში გარდაცვლილებს პატივი მიაგონ და მათ ოჯახებს სამძიმარი გამოუცხადონ. შედეგად, სეზონის დარჩენილი ყველა მატჩი წუთიერი დუმილით დაიწყება, დაწყებული 10 ივნისიდან, რაიო ვალეკანოსა და ალბასეტეს დაპირისპირებიდან, რომელიც გაგრძელდება ლა ლიგა სანტანდერისა და ლა ლიგა სმარტბანკის მატჩებით. ასევე, სეგუნდა ბ-ს პლეი ოფები.

Official statement#LaLiga and the RFEF agree to hold a minute of silence before each match.
— LaLiga English (@LaLigaEN) June 7, 2020

შეგახსენებთ, რომ ლა ლიგის 2019/ 20 წლების სეზონი 11 ივნისს, სევილიასა და რეალ ბეტისის მატჩით განახლდება. ყველა მატჩი დახურულ კარს მიღმა გაიმართება.

ბოლო მონაცემებით ესპანეთში კორონავირუსით დაინფიცირების 288 ათასზე მეტი ფაქტია გამოვლენილი, საიდანაც 27 135 შემთხვევა გარდაცვალებით დასრულდა. ხოლო, მსოფლიოს მასშტაბით ინფიცირებულთა რაოდენობამ უკვე 7 მილიონს გადააჭარბა. 400 ათასი ადამიანი გარდაიცვალა და 3 მილიონ 400 ათასი გამოჯანმრთელდა.

ასევე იხილეთ: მოურინიოს ტოტენჰემში ნევეშის ხილვა სურს

ლა ლიგა ოფიციალურ განცხადებას ავრცელებს

უახლესი ამბები