ლეგენდარულმა კაფუმ ლივერპულის მცველი შეაქო
ბრაზილიელი ინგლისელით აღფრთოვანებულია

მსოფლიო ფეხბურთის ლეგენდა, კაფუ ამბობს, რომ "მერსისაიდელთა" 21 წლის განაპირა მცველის თამაშის ყურება მას დიდ სიამოვნებას ანიჭებს და ახალგაზრდა ფეხბურთელს აქვს ყველა საჭირო მონაცემი, რათა მსოფლიოში საუკეთესო გახდეს და ფიფას წლის საუკეთესო ფეხბურთელის წოდებაც მოიპოვოს.

ტრენტი ლივერპულის ღირსებას 2016 წლიდან იცავს და ის გუნდის ერთ–ერთ წამყვან მოთამაშედ ჩამოყალიბდა. მარჯვენა ფლანგზე ის კარგად გამოიყურება როგორც დაცვაში, ასევე შეტევაში, რითაც გუნდს დიდ სამუშაოს უწევს.

Cafu 💬

"Alexander-Arnold has potential to become world's best. If he keeps playing the way he has been he will be regarded as one of the best players in the world."

Big praise 👏 pic.twitter.com/QKllTP9Bda

— MansionBet (@MansionBet) June 7, 2020

"ტრენტ ალექსანდერ–არნოლდს აქვს პოტენციალი, რომ მსოფლიოში საუკეთესო გახდეს. მე ძალიან მომწონს მისი თამაშის ყურება. ეს დიდ სიამოვნებას მანიჭებს. ის საკმაოდ ახალგაზრდაა და ჯერ ყველაფერი წინ აქვს.

მისი ტექნიკა ნამდვილად შესაშურია. ასევე აქვს კარგი სისწრაფე, რაც განაპირა მცველისთვის სასიცოცხლოდ მნიშვნელოვანია და ყოველთვის ახერხებს, რომ შეტევიდან დაცვაში დროულად დაბრუნდეს. მომწონს მისი მოედნის ხედვა და პასების სწორი განაწილება. ვფიქრობ თუ ამ დონეზე გააგრძელებს თამაშს, მას ნამდვილად შეუძლია, რომ საუკეთესო გახდეს", – განაცხადა კაფუმ.

ლეგენდარულმა ბრაზილიელმა ასევე ისაუბრა ლიონელ მესიზე, კრიშტიანუ რონალდუსა და ნეიმარზე.

"მესი და რონალდუ? ჩვენ ვსაუბრობთ მოთამაშეებზე, რომლებმაც ნამდვილი ეპოქა შექმნეს. ამაზე მათ მიერ მოგებული ოქროს ბურთების რაოდენობაც მეტყველებს და ბევრი საუბარი საჭირო არ არის. რაც შეეხება ნეიმარს, მიმაჩნია, რომ მას ასევე გააჩნია ყველაფერი, რათა პლანეტის საუკეთესო ფეხბურთელი იყოს".

ასევე იხილეთ: 15 ტალანტი! - მესის რჩეულნი

კაფუ; "ტრენტ ალექსანდერ–არნოლდს აქვს პოტენციალი, რომ მსოფლიოში საუკეთესო გახდეს"

უახლესი ამბები