იტალიის ფეხბურთის ფედერაციამ სატრანსფერო ფანჯრის თარიღები დაადგინა
იტალიაში სატრანსფერო ფანჯარა 1-ელ სექტემბერს გაიხსნება

იტალიის ფეხბურთის ფედერაციის გადაწყვეტილებით, ქვეყანაში ზაფხულის სატრანსფერო ფანჯარამ შემოდგომაზე გადაიწია და 1-ლი სექტემბრიდან 5 ოქტომბრის ჩათვლით გაიმართება.

ტრადიციულად, აპინინებზე სატრანსფერო პერიოდი პირველ ივლისს უნდა გახსნილიყო და 2 სექტემბერს დახურულიყო, თუმცა კორონავირუსის პანდემიამ ყველაფერთან ერთად ამაზეც იმოქმედა.

ამგვარად, იტალიურ კლუბებს ახალი ფეხბურთელების დარეგისტრირება მხოლოდ 1-ლი სექტემბრიდან 5 ოქტომბრის ჩათვლით შეეძლებათ.

OFFICIAL: The summer transfer window in #Italy will take place between September 1 & October 5 this year https://t.co/UYijuXcPmW #SerieA pic.twitter.com/dtOlaN19Ke
— footballitalia (@footballitalia) June 8, 2020

ასევე, მოსალოდნელია, რომ აღნიშნული გადაწყვეტილება ზამთრის სატრანსფერო ფანჯრის პერიოდზეც იმოქმედებს, რომელიც ჯერჯერობით უცვლელად რჩება - 4 იანვარს გაიხსნება და 31 იანვარს დაიხურება.

შეგახსენებთ, რომ იტალიაში 2019/20 წლების საფეხბურთო სეზონი ზემოხსენებული მიზეზის გამო შეჩერებულია და 20 ივნისს უნდა განახლდეს.

ასევე იხილეთ: სეტიენმა ლაუტაროს ტრანსფერზე საუბარს თავი აარიდა

იტალიამ სატრანსფერო ფანჯრის თარიღები დაადგინა

ასევე იხილეთ

უახლესი ამბები