ფრანგული ლილის ნიგერიელი თავდამსხმელი ვიქტორ ოსიმჰენი რამდენიმე საათში შეიძლება ნაპოლის მოთამაშე გახდეს.

Football Italia-ს ცნობით, ნიგერიელი ნეაპოლურ კლუბთან ხელშეკრულებას 48 საათში მოაწერს ხელს.

ფრანგული L’Équipe-ის ინფორმაციით იატლიური კლუბი ლილის 21 წლის თავდამსხმელში დაახლოებით 81 მილიონ ევროს გადაიხდის.

ასევე ირკვევა, რომ წინა კვირას მათ შორის მოლაპარაკებები ფეხბურთელის აგენტის დამატებითი ბონუსების მოთხოვნის გამო შეჩერებულა, მოგვიანებით კი საქმეში სხვა შუამავლის ჩართვით, მხარეები შეთანხმებამდე მისულან.

სავსებით შესაძლებელია ოსიმჰენმა სამედიცინო შემოწმება ნაპოლიში ხუთშაბათს გაიაროს.

ნაპოლი ოსიმჰენში 81 მილიონს იხდის

ვიქტორ ოსიმჰენი ნეაპოლურ კლუბთან ხელშეკრულებას 48 საათში მოაწერს ხელს

უახლესი ამბები