ფიფამ 2022 წლის ყატარის მსოფლიო თასის კალენდარი გამოაქვეყნა.

ფიფას ოფიციალურ გვერდზე ატვირთული განრიგის თანახმად, მსოფლიო ჩემპიონატი 21 ნოემბერს თბილისის დროით 14 საათზე გაიხსნება. გახსნიდან მალევე დღეში ოთხი მატჩით ჯგუფური ეტაპიც აიღებს სტარტს და თბილისის დროით 14, 17, 20 და 23 საათზე გაიმართება. პირველ მატჩს ქალაქ ელ ჰორის 60-ათასიანი „ალ ბეიტის“ სტადიონი უმასპინძლებს.

ჯგუფური ეტაპი 2 დეკემბრამდე გაგრძელდება, მომდევნო დღეს კი მერვედფინალები დაიწყება.

9-10 დეკემბერს მეოთხედფინალებია ჩანიშნული, ნახევარფინალები კი 13 და 14 დეკემბერს.

2022 წლის მსოფლიო ჩემპიონატის ფინალი 18 დეკემბერს, 19 საათზე ქალაქ ლუსაილის 80-ათასიან სტადიონზე გაიმართება, ხოლო მესამე ადგილისთვის შეხვედრას ერთი დღით ადრე დოჰას ხალიფას 45-ათასიანი სტადიონი მიიღებს.

🚨 2022 #WORLDCUP MATCH SCHEDULE 🚨

🏆 It all starts in Qatar on Monday 21 November 2022 🌏

🗓️👉 https://t.co/tIvYvRoy5j pic.twitter.com/yQvgGczszK
— FIFA World Cup (@FIFAWorldCup) July 15, 2020

ფიფამ ყატარი-2022-ის კალენდარი გამოაქვეყნა

საფეხბურთო მსოფლიო ჩემპიონატი 21 ნოემბერს თბილისის დროით 14 საათზე გაიხსნება

უახლესი ამბები