2003 წლის ამ დღეს, კატალონიის ბარსელონამ ხმაურიანი ტრანსფერი განახორციელა. "ბლაუგრანას" რიგებს ბრაზილიელი რონალდინიო გაუჩო შეუერთდა. აღნიშნული ტრანსფერი კლუბის ისტორიაში ერთ–ერთი საუკეთესოა.

"ბარსამ" რონალდინიოს სანაცვლოდ პსჟს 32 მილიონი გადაუხადა და მან კლუბის გულშემატკივრებს იმედები არ გაუცრუა. ბარსელონას მაშინდელი მწვრთნელი, ფრანკ რაიკაარდი ამბობს, რომ როცა ბრაზილიელი ვარსკვლავი მართლაც იხილა საკუთარ კლუბში, თავს უბედნიერეს ადამიანად გრძნობდა, რადგან დარწმუნებული იყო, რომ მასთან ერთად წინ ბევრი წარმატება ელოდა.

ამ ტრანსფერთან ერთად, კატალონიურმა გრანდმა მართლაც დაიწყო აღორძინება. გაუჩომ ამ კლუბის შემადგენლობაში ორჯერ მოიგო ესპანეთის ლა ლიგა, ქვენის სუპერთასი და რაც ყველაზე მნიშვნელოვანია, უდიდესი წვლილი შეიტანა ევროპის ყველაზე პრესტიჟული საკლუბო ტურნირის – ჩემპიონთა ლიგის მოგებაში. მან 2005 წელს, ოქროს ბურთის მოგებაც შეძლო და წლის საუკეთესო ფეხბურთელი გახდა.

რონალდინიო გაუჩო ბარსელონას გულშემატკივრებისთვის ერთ–ერთ ყველაზე მნიშვნელოვან და საყვარელ ფეხბურთელად ჩამოყალიბდა. მან ლა ლიგის ბინადარი 2008 წელს დატოვა, როცა ახალ მთავარ მწვრთნელად პეპ გუარდიოლა დაინიშნა. ბრაზილიელმა კი კარიერა მილანში გააგრძელა.

VIDEO 17 წლის წინ, ბარსელონამ რონალდინიო ოფიციალურად წარადგინა

უახლესი ამბები