მილანის ნახევარმცველმა, ჯაკომო ბონავენტურამ სოციალურ ქსელში ვრცელი პოსტი გამოაქვეყნა, სადაც ის გვამცნობს, რომ "როსონერის" ტოვებს და კლუბს მადლობას უხდის.

"ოცნებით ვიცხოვრე. მილანში გატარებული წლები დაუვიწყარი იყო. მინდა ყველას დიდი მადლობა გადავუხადო, ვისთანაც ერთად ეს ფანტასტიკური თავგადასავლები გავიზიარე: პრეზიდენტს, მენეჯერებს, მწვრთნელებს, თანაგუნდელებს, ექიმებსა და ფიზიოთერაპევტებს.

ასევე, ყველას დიდი მადლობა, ვინც კულისებს მიღმა მუშაობს - ისინი მილანის ნამდვილ ძრავს წარმოადგენენ. მათი წყალობით ჩვენ თავს როგორც სახლში, ოჯახში ისე ვგრძნობთ.

მადლობა მილანის ყველა გულშემატკივარს, რომლებიც მუდამ ჩვენს გვერდით იყვნენ და გვამხნევებდნენ, როგორც საუკეთესო, ასევე რთულ პერიოდშიც.

"სან სირო" განსაკუთრებულია, რომელსაც არასოდეს დავივიწყებ.

მუდამ ჩემს გულში იქნებით".

View this post on Instagram

Ho vissuto un sogno. Gli anni passati al Milan sono stati un’esperienza indimenticabile. Voglio ringraziare tutte le persone con cui ho condiviso questa fantastica avventura: presidenti, dirigenti, allenatori, compagni di squadra, medici e fisioterapisti. Grazie anche a tutti coloro che lavorano “dietro le quinte” a Milanello, sono loro il vero motore del Milan, grazie a loro ogni giorno ci sentiamo a casa, in famiglia. Grazie a tutti i tifosi milanisti, che ci hanno sempre sostenuto, nei momenti belli e in quelli più duri: il boato di San Siro è qualcosa di speciale, che non dimenticherò mai. Sarete sempre nel mio cuore !!

A post shared by Jack Bonaventura (@jackbonaventura) on Aug 5, 2020 at 1:44am PDT

ჯაკომო ბონავენტურას მილანთან კონტრაქტი ამოეწურა და კლუბი თავისუფალი აგენტის სტატუსით დატოვა. თუ სად გააგრძელებს კარიერას 30 წლის ნახევარმცველი, ჯერჯერობით უცნობია.

ბონავენტურა "როსონერის" 2014 წელს, ატალანტადან შეუერთდა. სერია ა-ს გასულ სეზონში მან 29 შეხვედრაში ითამაშა და თავი 3 გოლითა და 5 შედეგიანი გადაცემით გამოიჩინა. მილანმა კი სატურნირო ცხრილში მე-6 ადგილი დაიკავა და მომდევნო სეზონში ევროპა ლიგის გათამაშებაში მეორე საკვალიფიკაციო ეტაპიდან ჩაერთვება.

ბონავენტურა მილანს დაემშვიდობა

ბონავენტურას მილანთან კონტრაქტი ამოეწურა

ასევე იხილეთ

უახლესი ამბები