13 აგვისტოს, ლისაბონში უეფას ჩემპიონთა ლიგის მეოთხედფინალური ეტაპის მეორე დაპირისპირება შედგა, სადაც ერთმანეთს მადრიდის ატლეტიკო და ლაიპციგი შეხვდნენ.

გერმანულმა კლუბმა "როხიბლანკო" ანგარიშით 2:1 დაამარცხა და ნახევარფინალის საგზური მოიპოვა. მატჩის შემდგომ, მადრიდელთა მთავარმა მწვრთნელმა, დიეგო სიმეონემ მედიასთამ მცირე კომენტარი გააკეთა და თქვა, რომ მომდევნო ეტაპზე ლაიპციგი დამსახურებულად გავიდა.

"ისე ვერ ვითამაშეთ, როგორც გვსურდა. ლაიპციგის მხრიდან ძალიან მომეწონა უზარმაზარი ენთუზიაზმი და სიახლე. ჩვენს თავს კი ვერანაირ გამართლებას ვერ ვუძებნი. მაქსიმალურად დავიხარჯეთ და მეოთხედფინალში გავედით, თუმცა შემდეგ დამსახურებულად გავვარდით და ჩვენს მწინააღმდეგეს შემდეგ ეტაპზე გასვლას ვულოცავთ.

100 პროცენტით დავიხარჯეთ, თუმცა ორთაბრძოლების მოგება ძალიან გვიჭირდა, რადგან ჩვენი ოპონენტი სისწრაფეში გვჯობნიდა. რთული წელი გამოვიდა, ვინაიდან უკვე დიდი ხანია რაც ჩვენზე დიდი ზეწოლაა და ჩემპიონთა ლიგის მოგებას გვთხოვენ", - განაცხადა ჩოლომ.

შეგახსენებთ, რომ ლაიპციგი ნახევარფინალურ სტადიაზე პარი სენ-ჟერმენს დაუპირისპირდება, რომელმაც თავის მხრივ ტურნირს ბერგამოს ატალანტა გამოთიშა. მატჩი 18 აგვისტოს გაიმართება.

სიმეონე: "დამსახურებულად გავვარდით"

ატლეტიკო ჩემპიონთა ლიგას დაემშვიდობა

ჩოლო მიიჩნევს, რომ დამსახურებულად გავარდნენ

უახლესი ამბები