15 აგვისტოს, 23:00 საათზე, ჩემპიონთა ლიგის მეოთხედფინალური მატჩი გაიმართება, რომელშიც მონაწილეობას მანჩესტერ სიტი და ლიონი მიიღებენ.

საგულისხმოა, რომ ორივე გუნდმა უმძიმესი მერვედფინალური ეტაპი გადალახა.

მან. სიტი

პეპ გუარდიოლას ბიჭებმა მადრიდის რეალის ბარიერი დაძლიეს. ესპანეთში მოგებული შეხვედრის შემდეგ, “დედაქალაქელებმა“ “ეტიჰადზე“ გაილაღეს და “თეთრები“ ტურნირიდან გამოთიშეს.

უნდა ითქვას, რომ ესპანელთა მარცხში უდიდესი როლი რაფაელ ვარანმა ითამაშა, რომელიც 2 ეპიზოდში შეცდა.

საბოლოოდ, სიტი ევროსარბიელზე დარჩა და ტიტულისთვის ბრძოლას აგრძელებს.

ლიონი

ფრანგულ გრანდს იუვენტუსის წინააღმდეგ მოუწია თამაში. ბევრისთვის მოულოდნელად ლიგა 1-ის წარმომადგენლებმა საკუთარ კედლებში პირველი ჯახში სასურველი შედეგი დააფიქსირეს და იტალიაში მშვიდად ჩავიდნენ (1:0).

მძიმე სიტუაციაში იყო “ბიანკონერი“, თუმცა რონალდუმ 2 გოლი გაიტანა და მეტწილად იმედიც ჩაესახათ, მაგრამ სტუმრებმა გოლის გატანა მაინც მოახერხეს და შემდეგი ეტაპის საგზური მოიპოვეს.

ტურინელები გავარდნენ, რასაც მაურისიო სარის გაგდებაც მოჰყვა, ხოლო მისი ადგილი ანდრეა პირლომ დაიკავა.

ურთიერთშეხვედრები

მანჩესტერ სიტი და ლიონი სულ 2-ჯერ შეხვდნენ ერთმანეთს. 2018 წლის სეზონზე, როდესაც აღნიშნული კლუბები ჩემპიონთა ლიგის F ჯგუფში ერთად გამოდიოდნენ. პეპის დამოძღვრილებმა 13 ქულით პირველი ადგილი დაიკავეს, ხოლო ფრანგებმა 8 ქულით, მეორე პოზიცია შეინარჩუნეს და შახტარი 2 ქულით ჩამოიტოვეს.

საფრანგეთში გამართული დაპირისპირება ფრედ დასრულდა (2:2), განმეორებითი მატჩში კი, ლიონმა მოიგო, რომელიც “ეტიჰადზე“ შედგა (2:1).

მსაჯი და პრობლემა

მატჩის მთავარი მსაჯი უეფას გადაწყვეტილებით ჰოლანდიელი დანი მაკკელი იქნება.

მსაჯზე ლაპარაკი ჯერ კიდევ მატჩამდე დაიწყო. საქმე იმაშია, რომ ლიონის მარცხი მაკკელის ქვეყნის გუნდს, ამსტერდამის აიაქსს აწყობს.

სიტის მოგების შემთხვევაში, აიაქსი ავტომატურად ხვდება ჩემპიონთა ლიგის ჯგუფურ ეტაპზე, ხოლო თუ ლიონმა მოიგო, მაშინ აიაქსი ჩემპიონთა ლიგის საკვალიფიკაციო ეტაპის ბოლო ეტაპს ითამაშებს.

შესაბამისად, გამოდის, რომ ადგილი ინტერესთა კონფლიქტს აქვს, რის გამოც ლიონი მსაჯის შეცვლას ითხოვს. სავარაუდოა, რომ უახლოეს საათებში უეფა მაკელის სხვა მსაჯით ჩაანაცვლებს.

Lyon to lodge protest over Man City Champions League quarter-final referee 🇬🇧#MCOL #LdC #ManCity #Makkelie
(Mirror : https://t.co/X6rmyrVW41) pic.twitter.com/wW03fDX7l1
— OL+ International (@OL_Plus_Inter) August 13, 2020

კომენტარები

რუდი გარსია: ტურინის იუვენტუსთან ორმატჩინი დუელი მანჩეტსერ სიტისთან დაპირისპირებამდე კარგი გამოცდილებაა. ამ შეხვედრაში ჩვენი მეტოქე დიდ ფავორიტად მიიჩნევა და მათ ეს სტატუსი დამსახურებულად ეკუთვნით. მათ ჰყავთ ტექნიკურად ძალიან ძლიერი ფეხბურთელები, რომლებმაც ზუსტად იციან თუ როგორ უნდა დაიჭირონ ბურთი და რა უნდა უყონ მას. სახიფათო თამაში გველის, მაგრამ ჩვენი ძალების კიდევ ერთხელ უნდა ვირწმუნოთ.

სავარაუდო შემადგენლობა

მანჩესტერ სიტი (4-3-3): ედერსონი - უოლკერი, ფერნანდინიო, ლაპორტი, კანსელო, დე ბრუინი, როდრი, სილვა, ფოდენი, გაბრიელ ჟესუსი, სტერლინგი

ტრავმა: აგუერო

ლიონი (3-5-2): ლოპეში, დენაიერი, მარსელო, მარშალი - დუბუა, კოკრე, გიმარაეში, აუარი, კორნე, დეპაი, დემბელე

პრევიუ - მანჩესტერ სიტი VS ლიონი

სიტი - ლიონი

ასევე იხილეთ

უახლესი ამბები