ლიონელ მესის თავს რა ხდება კაცმა არ იცის, თუმცა ის ნათელია, რომ მისი დამატება ყველას სურს.

არგენტინელის შესყიდვის მიზნით, შტუტგარტის ქომაგმა ფონდიც შეჰქმნა, სადაც ლეოს შესაძენ თანხას აგროვებდა.

მიზანი 900 მილიონის შეგროვება იყო, თუმცა გულშემატკივართა გარკვეული ნაწილი ამ წამოწყებას არ აყვა. ნათელია, რომ არგენტინელი აღნიშნულ კლუბში მაინც არ გადავა.

გეტყვით, რომ ინიციატორმა 262 234 ევრო დააგროვა, რომელიც საბოლოოდ, საქველმოქმედო ფონდში გადარიცხა.

სანამ გერმანიაში ოხუნჯობენ მანჩესტერ სიტი სიტუაციას სერიოზულად ადევნებს თვალს.

იტალიელი ჟურნალისტის, ტანკრედი პალმერის მტკიცებით, სიტიმ ლიონელ მესის ხუთწლიანი ხელშეკრულება და 500 მილიონი ევრო შესთავაზა.

ტანკრედის განმარტებით, მესი წელიწადში 50 მილიონს მიიღებს, სამი წლის შემდეგ კი ნიუ იორკ სიტიში გადავა. წლიურ 50 მილიონთან ერთად არგენტინელი ნიუ იორკში გადასვლისთვის ბონუსის სახით 250 მილიონს მიიღებს.

შეგახსენებთ, მესის გამოსასყიდი თანხა 700 მილიონია.

ფანებმა 900 მილიონის მოგროვება დაიწყეს! - მესის ყიდვა ყველას უნდა

შტუდგარტის ქომაგის ინიციატივა

უახლესი ამბები