როგორც იცით, ბარსელონას ახალმა თავკაცმა, რონალდ კუმანმა 33 წლის ურუგვაელ თავდამსხმელს, ლუის სუარესს შეატყობინა, რომ მის გეგმებში აღარ შედიოდა. შესაბამისად, ფეხბურთელმა ახალი კლუბის ძიება დაიწყო.

მან პირად შეთანხმებას ტურინის იუვენტუსთან მიაღწია, თუმცა იმის გამო, რომ "ბებერ ქალბატონს" არაევროპელი ფეხბურთელების დამატების ლიმიტი ამოწურული აქვს, ლუისს იტალიური პასპორტის აღება დასჭირდა. ამას კი დიდი დრო სჭირდება და მისი ტრანსფერი იტალიის ჩემპიონებთან პრაქტიკულად გამოირიცხა, მითუმეტეს იმ ფონზე, რომ ტურინში სამედიცინო შემოწმების გასავლელად უკვე ჩავიდა ალვარო მორატა, რომელიც "იუვეს" ერთ წლიანი იჯარით შეუერთდება შემდგომში გამოსყიდვის უფლებით.

ამ ყველაფერს კი წინ საკმაოდ საინტერესო ფაქტი უძღვოდა. ლუის სუარესს იტალიური ენის სწავლა დასჭირდა, რათა ელემენტარული კომუნიკაციის დამყარება შეძლებოდა, შემდგომ კი მას გამოცდა უნდა ჩაებარებინა.

მედიაში გავრცელებული ინფორმაციის თანახმად, ურუგვაელმა იტალიური ენის გამოცდა წარმატებით ჩააბარა. ახლა კი FOOTBALL-ITALIA იტყობინება, რომ დიდი ალბათობით, მას დაეხმარნენ და ტესტის პასუხები წინასწარ შეატყობინეს.

აღნიშნულ საკითხთან დაკავშირებით, პროკურატურამ გამოძიება უკვე ოფიციალურად დაიწყო. რაც შეეხება თავად სუარესს, გუშინ ფაბრიციო რომანომ გაავრცელა ინფორმაცია, რომლის თანახმადაც, ურუგვაელმა გადაწყვიტა, რომ მადირიდის ატლეტიკოს შეუერთდეს და "ინდიელებთან" პირად შეთანხმებასაც მიაღწია.

ლუის სუარესის ტრანსფერი დედაქალაქურ კლუბში პრაქტიკულად გადაწყვეტილია, ვინაიდან მხარეებს ერთმანეთთან არანაირი პრობლემა არ აქვთ, თუმცა მოულოდნელად, საქმეში ბარსელონას პრეზიდენტი, ბართომეუ ჩაერთო, რომელმაც შესაძლოა ტრანსფერი ჩაშალოს. სუარესი კი აპირებს, რომ საქმეში ადვოკატები ჩართოს.

სუარესმა იტალიურის გამოცდაზე, პასუხები წინასწარ იცოდა?!

სუარესს გამოცდის ჩაბარებაში დაეხმარნენ

გამოძიება დაწყებულია

უახლესი ამბები