მოგეხსენებათ, რომ 33 წლის ურუგვაელი თავდამსხმელი, ლუის სუარესი ბარსელონადან მადრიდის ატლეტიკოში გადადის. "ინდიელებმა" სავარაუდოდ ამ მიზეზით, ალვარო მორატას იუვენტუსში გაშვებაზე თანხმობა განაცხადეს. ესპანელმა ფეხბურთელმა ტურინული კლუბის მაისური უკვე მოირგო. მადრიდელები კი სუარესის მოლოდინში არიან.

ესპანურმა გამოცემებმა, გაავრცელეს კადრები, სადაც ჩანს, რომ სუარესი კატალონიური კლუბის ბაზას, საკუთარი ავტომობილით ტოვებს, რა დროსაც ემოციებს ვერ იკავებს. სავარაუდოდ, ის თანაგუნდელებს საბოლოოდ დაემშვიდობა.

ცნობილი ხდება, რომ ურუგვაელი ატლეტიკოსთან ორ წლიან კონტრაქტს გააფორმებს და ანაზღაურების სახით, წლიურად ცხრა მილიონს მიიღებს. კლუბსა და ფეხბურთელს შორის, პირადი შეთანხმება მიღწეულია. "ბარსასთან" არსებული კონტრაქტი, რომელიც 2021 წელს იწურება, უახლოეს მომავალში ოფიციალურად უნდა გაუქმდეს.

შეგახსენებთ, რომ სუარესი "ბლაუგრანას" ღირსებას 2014 წლიდან იცავს. მაშინ მის სანაცვლოდ ლივერპულმა 81 მილიონი მიიღო. ურუგვაელმა კი ამის შემდეგ, პრაქტიკულად ყველაფერი მოიგო, რისი მოგებაც საკლუბო დონეზე შეიძლებოდა.

VIDEO სუარესი ბარსელონას დაემშვიდობა და ემოციები ვერ შეიკავა!

ასევე იხილეთ

უახლესი ამბები