ლუის სუარესი ბარსელონას ოფიციალურად დაემშვიდობა. ურუგვაელი ფორვარდი თავის ბოლო ინტერვიუში იმდენად ემოციური იყო, რომ მას ცრემლის შეკავებაც კი გაუჭირდა.

🖐⛔️ ¡CON BARTOMEU NO!

💥SUÁREZ NO HA QUERIDO POSAR con él en la foto de DESPEDIDA.#JUGONES pic.twitter.com/INAXGyQ3FN
— El Chiringuito TV (@elchiringuitotv) September 24, 2020

როგორც El Chiringuito TV-სგან ვიგებთ, "ელ პისტოლერომ" კლუბის პრეზიდენტთან, ხოსეპ მარია ბართომეუსთან ერთად ფოტოს გადაღებაზე უარი თქვა.

როგორც წესი, ფეხბურთელები კლუბთან გამომშვიდობებისას, "კამპ ნოუზე" ყველა იმ ტიტულთან ერთად იღებენ ფოტოს, რომელიც მათ "ბლაუგრანაში" თამაშისას მოიგეს. გარდა ამისა, თასების ფონზე ერთ სამახსოვრო ფოტოს პრეზიდენტთან ერთადაც იღებენ.

სუარესის შემთხვევაში ეს ასე არ მოხდა. ლუისმა თასების ფონზე ფოტო გადაიღო, როგორც მარტომ, ასევე ოჯახთან და აწ უკვე ყოფილ თანაგუნდელებთან ერთად. თანაგუნდელებს შორის კი, ლიონელ მესი, სერხიო ბუსკეტსი, ჯორდი ალბა და სერხი რობერტო იყვნენ.

სუარესმა ბართომეუსთან ერთად ფოტოს გადაღება არ ისურვა

ასევე იხილეთ

უახლესი ამბები