ზუსტად 16 წელი გავიდა მას შემდეგ, რაც ლიონელ მესიმ ბარსელონას მაისურით სადებიუტი შეხვედრა გამართა.

2004 წლის 16 ოქტომბერს, ლა ლიგის ტურით გათვალისწინებულ შეხვედრაში, ბარსელონა ესპანიოლს ესტუმრა და დეკუს მიერ მე-9 წუთზე გატანილი ერთადერთი გოლის წყალობით მეტოქე დაამარცხა. იმ დროისთვის არგენტინელმა ტალანტმა, 83-ე წუთზე სწორედ გოლის ავტორი, დეკუ შეცვალა.

#LaLiga Se cumplen 16 años del debut de Lionel Messi en #Barcelona

⚽️Mirá el mensaje que publicó el club catalán.https://t.co/YXu2TupzC9
— TyC Sports (@TyCSports) October 16, 2020

ლიონელ მესიმ ბარსელონას მაისურით დღემდე 734 შეხვედრაში მიიღო მონაწილეობა და საკუთარ აქტივში 635 გოლი და 279 საგოლე გადაცემა მიითვალა, რაც კლუბის ისტორიაში სარეკორდო მაჩვენებელია.

არგენტინელმა სუპერვარსკვლავმა კატალონიურ გრანდთან ერთად, ათჯერ ლა ლიგის, ექვსჯერ ესპანეთის თასის, ოთხჯერ ჩემპიონთა ლიგის, ხოლო სამ-სამჯერ კი, მსოფლიოს საკლუბო ჩემპიონატისა და ევროპის სუპერთასების მოგებება მოახერხა.

რაც შეეხება პირად ჯილდოებს, მესიმ ოქროს ბურთის მოგება ექვსჯერ მოახერხა, რაც ფეხბურთის ისტორიაში საუკეთესო შედეგია. ბარსელონას კაპიტანი, ექვსჯერ FIFA-ს, ხოლო ორჯერ კი UEFA-ს საუკეთესო ფეხბურთელად დასახელდა.

16 წლის წინ, ბარსელონაში მესის დებიუტი შედგა

ასევე იხილეთ

უახლესი ამბები