იტალიაში, ინტერისა და მილანის ჯახი შედგა. “როსონერიმ“ ზლატან იბრაჰიმოვიჩის დუბლით გამარჯვება იზეიმა.

საგულისხმოა, რომ პიოლის შეგირდებმა დერბი 4-წლიანი პაუზის შემდეგ მოიგეს და რა თქმა უნდა ემოციები ვერ დამალეს.

მატჩის დასრულების შემდეგ, შვედმა შემტევმა კომენტარი გააკეთა:

“დერბიში ძალიან მშიერები ვიყავით, რადგან 4 წელი არ გვქონდა მოგებული. პასუხისმგებლობას ვგრძნობ, რადგან ყველაზე ძლიერი ვარ, თუმცა მე მომწონს ლიდერობა. ჩემი თავით გაოცებული ვარ? არა, ვიცი რისი გაკეთებაც შემიძლია.

თავს სრულყოფილად ვგრძნობ დიდი გამოცდილებით, 20-30 წლის ასაკის კონდიციები რომ მქონდეს, ვერავინ შემაჩერებდა, მიუხედავად იმისა, რომ ახლაც ვერ მაჩერებენ“, - თქვა მან.

შეგახსენებთ, მილანი სერია ა-ს 12 ქულით ლიდერობს. ლომბარდიელებმა ოთხივე მატჩის მოგება მოახერხეს.

ზლატან იბრაჰიმოვიჩი: “თავს სრულყოფილად ვგრძნობ“

ზლატანმა დერბის მოგების შემდეგ კომენტარი გააკეთა

უახლესი ამბები