ესპანეთის ლა ლიგის მეექვსე ტურში, მადრიდის რეალმა "ესტადიო დი სტეფანოზე" კადისს უმასპინძლა და მინიმალური ანგარიშით (0:1) დამარცხდა.

აღნიშნულ დაპირისპირებაში "სამეფო კლუბის" კაპიტანმა, სერხიო რამოსმა მუხლის არეში დისკომფორტი იგრძნო, რის გამოც ზინედინ ზიდანმა ის შესვენებაზე შეცვალა. Marca-ს ცნობით, ესპანელ მცველს დაზიანებულ ფეხზე გამოკვლევა ჩაუტარდა და გაირკვა, რომ საგანგაშო არაფერია.

გავრცელებული ცნობით, რამოსმა დღევანდელი ვარჯიში გამოტოვა, თუმცა მოსალოდნელია, რომ ფეხბურთელი გუნდს უახლოეს მომავალში შეუერთდება და თუ ტკივილი არ შეაწუხებს სრული დატვირთვით ივარჯიშებს.

🚨🚨 Sergio Ramos forzará para llegar a la Champions... pero sin arriesgar el Clásico https://t.co/W9lwhR7Qbh
— MARCA (@marca) October 18, 2020

შესაძლოა, სერხიომ უეფას ჩემპიონთა ლიგის მატჩშიც ითამაშოს, სადაც მადრიდი რეალი ჯგუფური ეტაპის პირველ ტურში დონეცკის შახტარს უმასპინძლებს. თუმცა, ისიც უნდა აღინიშნოს, რომ არ არის 34 წლის ფეხბურთელმა უკრაინულ გუნდთან მატჩი გამოტოვოს, რადგან მისთვის პრიორიტეტული "ელ კლასიკოში" თამაშია, რომელიც "ბლანკოსს" 24 ოქტომბერს ელის.

შეგახსენებთ, რომ ხუთი ჩატარებული თამაშის შემდეგ, ესპანეთის მოქმედ ჩემპიონს აქტივში 10 ქულა აქვს სატურნირო ცხრილში პირველ ადგილს სამ გუნდთან ერთად იყოფს.

რამოსი მძიმე ტრავმას გადაურჩა

რამოსმა, შესაძლოა, "კლასიკოში" ითამაშოს

ასევე იხილეთ

უახლესი ამბები