უცხოურ მედიაში გავრცელებული ინფორმაციის თანახმად, მილანის ერთ–ერთმა ლიდერმა, ჰაკან ჩალჰანოღლუმ ტრავმა მიიღო, რის გამოც დაახლოებით 2–3 კვირას იუქმებს. როგორც ირკვევა, მას დილის ვარჯიშის დროს, მარცხენა ტერფი დაუზიანდა.

გამოკვლევების შედეგად დადგინდა, რომ 26 წლის თურქ ფეხბურთელს, უახლოესი ორი მატჩის გამოტოვება მოუწევს. ეს კი იმას ნიშნავს, რომ მილანი 22 ოქტომბერს, ევროპა ლიგის ჯგუფური ეტაპის პირველ მატჩს, სელტიკის წინააღმდეგ ჰაკანის გარეშე გამართავს.

დიდი ალბათობით ის "როსონერის" ვერც 26 ოქტომბერს დაეხმარება, როცა შავ–წითლები უკვე სერია ა–ში რომას უმასპინძლებენ. ექიმები არ გამორიცხავენ, რომ ფეხბურთელი სათამაშოდ მზად არც პრაღის სპარტასთან იყოს.

თურქი ფეხბურთელი შესანიშნავ ფორმაშია. ის ზლატან იბრაჰიმოვიჩთან ერთად, გუნდის ერთ–ერთი წამყვანი მოთამაშეა. მიმდინარე სეზონში, მან მილანის მაისური შვიდჯერ მოირგო, გაიტანა ოთხი გოლი და მიითვალა სამი საგოლე გადაცემა. რა თქმა უნდა, მისი არ ყოფნა სტეფანო პიოლის გუნდისთვის უდიდესი დანაკლისი იქნება.

შეგახსენებთ, რომ პანდემიის შემდეგ განახლებული სეზონიდან მოყოლებული დღემდე, მილანელები უკვე 20 მატჩია არ დამარცხებულან. სერია ა–ს ახალ სეზონში კი ოთხი ტურის შემდეგ 12 ქულა აქვთ და გათამაშებას ერთპიროვნულად ლიდერობენ.

მილანს ერთ–ერთი ლიდერი გამოაკლდა!

ჰაკან ჩალჰანოღლუ ტრავმირებულია

ის დაახლოებით 2–3 კვირას იუქმებს

უახლესი ამბები