ლონდონის არსენალისა და კატალონიის ბარსელონას ყოფილი ფეხბურთელი, ალექსანდრ სონგ ბილონგი კარიერას ჯიბუტის ჩემპიონატში გააგრძელებს.

მასობრივ მედია საშუალებებში გავრცელებული ინფორმაციის თანახმად, 33 წლის ფეხბურთელმა არტა სოლარ 7-თან 2-წლიანი ხელშეკრულება გააფორმა. ამასთანავე, კამერუნელი ჯიბუტის პრემიერ ლიგაში თამაშის პარალელურად თავისი კლუბის ერთ-ერთი ასაკობრივი გუნდის მწვრთნელიც იქნება.

🇨🇲 Alex Song has signed for 🇩🇯 AS Arta Solar 7 in Djibouti.

The ex-Barcelona, Arsenal and West Ham star is now the biggest signing in the country's entire history. Very strange.

[@NuhuAdams_] pic.twitter.com/LuG212CkEj
— African Insider 🏴󠁥󠁳󠁣󠁴󠁿 (@African_Insider) November 6, 2020

შეგახსნებეთ, რომ ალექს სონგმა პროფესიონალური საფეხბურთო კარიერა ფრანგულ ბასტიაში დაიწყო. 2005 - 2012 წლებში კამერუნელი ლონდონის არსენალში თამაშობდა, ხოლო მომდევნო ორი სეზონი მან ბარსელონაში გაატარა, რის შემდეგაც კატალონიურმა გრანდმა ის ვესტ ჰემ იუნაიტედში გაანათხოვრა.

"ნისლიან ალბიონზე" გატარებული ორი წლის შემდეგ, ალექს სონგმა ჯერ ყაზანის რუბინის შემადგენლობაში ითამაშა, ხოლო 2018 წლიდან შვეიცარიული სიონის ღირსებას იცავდა, რომლის რიგებიც მიმდინარე წლის მარტის თვეში დატოვა.

ალექს სონგი 2012/13 წლების სეზონში კატალონიის ბარსელონასთან ერთად ესპანეთის ლა ლიგის გამარჯვებული გახდა.

სონგი ჯიბუტის ჩემპიონატში ითამაშებს

სონგმა არტა სოლართან ორწლიანი კონტრაქტი გააფორმა

პარალელურად, სონგი ასაკობრივ გუნდს გაწვრთნის

უახლესი ამბები