რუმინეთის ქალაქ კლუჟ-ნაპოკაში, ჩემპიონთა ლიგის მეორე საკვალიფიკაციო ეტაპზე, ლანჩხუთი სტუმრად ადგილობრივ კლუჟს დაუპირისპირდა და მეტოქე, 0-1 დაამარცხა.

აღსანიშნავია, რომ ლანჩხუთის ქალთა გუნდს, გამარჯვება ამჯერადაც ხატია ჭყონიამ მოუტანა, რომელმაც 68-ე წუთზე, ერთი-ერთზე გასულმა, რუმინელ მეკარეს შანსი არ დაუტოვა.

ლანჩხუთი გახდა პირველი ქართული კლუბი, რომელმაც ჩემპიონთა ლიგის ძირითად ბადეში თამაშის უფლება მოიპოვა.

საქართველოს მოქმედი ჩემპიონის მომავალი მეტოქე 24 ნოემბერს, წილისყრის შედეგად გაირკვევა. შეხვედრები კი ორმატჩიანი იქნება, რომელიც 8-9 და 15-16 დეკემბერს გაიმართება.

ლანჩხუთის ქალთა გუნდმა ისტორია დაწერა

ლანჩხუთი ჩემპიონთა ლიგის 1/32 ფინალში ითამაშებს

უახლესი ამბები